ءانشى ماقپال حاماس جاۋىنگەرلەرىنىڭ تەل- اۆيۆتى اتقىلاعان كەزىنە تاپ بولدى

جان- جاقتان دابىل قاعىلىپ، وق ۇشىپ جاتقاندىقتان، ءوزىن قورقىنىش پەن ۇرەي سەزىمى بيلەگەنىن ءانشى ينستاگرامداعى اككاۋنتى ارقىلى ءبىلدىرىپ وتىردى.
ءانشىنىڭ جازۋىنشا، وزدەرى توقتاعان قوناق ۇيدەگى ادامدار، بومبادان قورعاناتىن جەرگە جينالعان. گازا سەكتورىنىڭ مۇنداي باسقىنشىلىق شابۋىلى 2012 - جىلدان بەرى العاش رەت قايتالانىپ وتىر. بۇعان دەيىن تەك ەسكەرتۋلەرمەن عانا شەكتەلىپ كەلگەن پالەستينالىقتار يزرايل وزدەرىنە قارسى «مىزعىماس جارتاس» وپەراتسياسىن باستاعاننان كەيىن قارسى اسكەري امالدارعا كوشكەن.
جەرگىلىكتى اقپارات قۇرالدارىنىڭ حابارلاۋىنشا، گازا سەكتورىنان شىققان 150 گە جۋىق زىمىران يزرايلدىڭ تەل- اۆيۆت، يەرۋساليم قالالارى مەن بەن- گۋريون اۋەجايىنا باعىتتالعان ەكەن. حاماس سودىرلارى جارىلعىش زاتتاردى قاساقانا حالىق كوپ شوعىرلانعان جەرلەرگە جاۋدىرعان. الايدا اسكەريلەر زىمىرانداردى جەرگە جەتكىزبەي اتىپ تۇسىرگەن، جەرگىلىكتى حالىق ءدىن امان.
ايتا كەتۋ كەرەك، يزرايلدە ءار عيماراتتا بومبادان قورعانۋ ورىندارى بار.
ال، ماقپال يسابەكوۆا تاڭەرتەڭ ءبارى دۇپ- دۇرىس بولىپ تۇرعان ەدى، اياق استىنان سوعىس قاۋپى تونگەن كەز سۇمدىق قورقىنىشتى دەيدى. تەل- اۆيۆتەن كيەۆكە اتتانار الدىندا ول وسىنداي جازبا قالدىرىپ ۇلگەردى.
31- تەلەارنا