شىعىس قازاقستان وبىلىسىندا بەلگىلى اقىن ۇلىقبەك ەسداۋلەتوۆ جەرلەستەرىمەن كەزدەستى

وسكەمەن. قازاقپارات - ش ق و- دا «الاش» حالىقارالىق سىيلىعىنىڭ لاۋرەاتى، مەملەكەتتىك سىيلىقتىڭ يەگەرى، رەسەي حالىقارالىق جازۋشىلار ۇيىمىنىڭ س. ەسەنين اتىنداعى التىن مەدالىنىڭ يەگەرى، اقىن ۇلىقبەك ەسداۋلەتوۆتىڭ شىعارماشىلىق كەشى ءوتتى،
None
None

 دەپ حابارلادى وبلىس اكىمىنىڭ اقپاراتتىق ورتالىعىنان.  

استانا كۇنىنە ورايلاستىرىلعان مەرەكەلەردىڭ جالعاسى رەتىندە وسكەمەننىڭ ەتنوگرافيالىق ساياباعىندا شىعىس قازاقستاندىق تانىمال تۇلعا ۇلىقبەك ەسداۋلەتوۆتىڭ جەرلەستەرىمەن كەزدەسۋى ءوتتى.  
 
 جاقىندا اقىن ءوزىنىڭ 60 جىلدىق مەرەيتويىن اتاپ وتكەن ەدى، وسى ايتۋلى داتاعا وراي ش ق و اكىمدىگى ونىڭ جەرلەستەرىمەن كەزدەسىپ، ولەڭدەرىن وقىپ، ءوزىنىڭ بولاشاقتاعى شىعارماشىلىق جوسپارلارىمەن ءبولىسۋ مۇمكىندىگىن ۇيىمداستىردى.  
 
 «ءبىز، شىعىس قازاقستاننىڭ تۇرعىندارى ۇلىقبەكتى ماقتان تۇتاتامىز. ونىڭ ولەڭدەرىندە قاراپايىم حالىقتىڭ ويلارى مەن سەزىمدەرى بەينەلەنگەن. ول تۋعان وتانىن جىرعا قوسادى. ءبىزدىڭ جەرىمىزدى وسىنداي ۇلدارى تانىمال ەتتى. وسى ءبىر تاماشا كۇنى اقىندى بارلىق شىعىس قازاقستاندىقتاردىڭ اتىنان قۇتتىقتاپ، ءالى دە ۇلكەن بيىكتەردى باعىندىرۋىن تىلەيمىن» ، - دەدى كەزدەسۋدى اشقان ش ق و اكىمى بەردىبەك ساپاربايەۆ.  
 
 وبلىس اكىمى ۇ. ەسداۋلەتوۆكە جەرلەستەرىنىڭ اتىنان اۆتوكولىكتىڭ كىلتىن تابىس ەتتى.  
 
 ايتا كەتەيىك، ۇلىقبەك ەسداۋلەتوۆ «سەمەي- نيەۆادا»  حالىقارالىق انتيادرولىق قوزعالىسىنىڭ ءانۇرانىنا اينالعان تانىمال «زامان- اي» ءانىنىڭ ءسوزىن جازعان. ونىڭ ولەڭدەرى تەك تۋعان جەرىندە ەمەس، بارلىق تۇركىتىلدەس ەلدەردە كەڭىنەن تارالعان. بۇل تۋرالى كەش قوناعى، ەۋرازيا جازۋشىلار وداعىنىڭ ءتوراعاسى ياكۋپ ومەرۋگلۋ ايتتى.  

«ول تەك قازاق اقىنى عانا ەمەس، مەن ونى تۇركى الەمىنىڭ كورنەكتى اقىنى دەپ بىلەمىن. ونىڭ كاۋسار جىرلارى تۇركى تىلدەس ەلدەردە كەڭىنەن تانىمال. جاقىندا تۇركيادا ونىڭ شىعارمالارىن جارىققا شىعاردىق. بۇل ۇلكەن جەتىستىك» ، - دەدى ياكۋپ ومەرۋگلۋ.

سوڭعى جاڭالىقتار