00:15, 10 - شىلدە 2014 | GMT +5
ۋكراينا رەسەيدەن ۇشقىشىن بوساتۋدى تالاپ ەتتى
استانا. قازاقپارات - ۋكراينانىڭ قورعانىس مينيسترلىگى ۋكراينالىق ۇشقىش نادەجدا ساۆچەنكونىڭ رەسەيگە اكەتىلگەنىنە نارازىلىق ءبىلدىرىپ، ماسكەۋدەن ونى دەرەۋ بوساتۋدى تالاپ ەتتى.

نادەجدا ساۆچەنكونى وتكەن ايدا لۋگانسك وبلىسىندا رەسەيشىل سەپاراتيستەر ۇرلاپ اكەتكەن ەدى. ۋكراينا اقپارات قۇرالدارىنىڭ حابارلاۋىنشا، ساۆچەنكو قازىر رەسەيدىڭ ۆورونەج وبلىسىنداعى تەرگەۋ يزولياتورلارىنىڭ بىرىندە وتىر.
ول رەسەيلىك جۋرناليستى ءولتىردى دەگەن كۇدىككە ىلىنگەن. ساۆچەنكونىڭ اپكەسى وعان قاتىستى كەشە، 9- شىلدەدە العاشقى سوت وتىرىسى وتەتىنىن حابارلاعان.
ەرىكتىلەردىڭ «ايدار» باتالونى قۇرامىنا كىرەتىن 31 جاستاعى نادەجدا ساۆچەنكونى لۋگانسك وبلىسىنىڭ سچاستە قالاسىندا سەپاراتيستەر ۇرلاپ اكەتكەن. ونى بوساتۋ تۋرالى كەلىسسوزدەردەن ناتيجە شىققان جوق.
كيەۆ ماسكەۋدەن نادەجدا ساۆچەنكونى بوساتىپ، ونىڭ رەسەيگە اكەتىلۋىن تەكسەرۋدى، جاۋاپتىلاردى جازالاپ، ۇشقىشقا ۋكراينا كونسۋلىن جولىقتىرۋدى تالاپ ەتەدى.
«ازاتتىق»