كاسپي تەڭىزىنىڭ قۇقىقتىق مارتەبەسىن ايقىنداۋ جۇمىستارى بەلسەندى جۇرگىزىلۋدە - ازەربايجان س ءى م
بۇل تۋرالى كەشە ازەربايجان سىرتقى ىستەر ءمينيسترىنىڭ ورىنباسارى حالاف حالافوۆ جۋرناليستەرگە بەرگەن سۇحباتىندا مالىمدەدى، دەپ جازادى www.trend.az.
«2014 - جىلدىڭ مامىر ايىندا وتكەن سىرتقى ىستەر مينيسترلەرىنىڭ سامميتىندە ءبىرقاتار سۇراقتاردا العا ىلگەرىلەۋشىلىك بولدى. الايدا، شەشىمدى ناتيجەگە قول جەتكىزۋ ءۇشىن كاسپي تەڭىزىنىڭ قۇقىقتىق مارتەبەسى تۋرالى قۇجاتتى ازىرلەۋ جونىندەگى سىرتقى ىستەر مينيسترلەرىنىڭ ورىنباسارلارى دەڭگەيىندەگى ارنايى جۇمىس توبى جۇمىستى جالعاستىرادى. بۇل ماسەلە بويىنشا تامىز ايىنىڭ سوڭىندا ماسكەۋدە كەزدەسۋ وتەدى دەگەن جوسپار بار» ، - دەدى حالافوۆ.
استراحان سامميتىنە دەيىنگى كەزدەسۋدە نەگىزگى ماسەلە - كاسپي ايماعى ەلدەرى باسشىلارىنىڭ دەڭگەيىندە شەشىم قابىلداناتىن تۇپكىلىكتى قۇجاتتى ماقۇلداپ الۋ. بۇل قۇجاتتا ناقتى ماسەلەلەر شەشىلەدى دەپ جوسپارلانعان» ، - دەدى ازەربايجان سىرتقى ىستەر ءمينيسترىنىڭ ورىنباسارى.
