شىمكەنتتە شىنى بۇيىمدارىن شىعاراتىن زاۋىت اشىلدى

استانا. قازاقپارات - بۇگىن شىمكەنت قالاسىندا «ەۆرو كريستال» ج ش س- نىڭ شىنى بۇيىمدارىن شىعاراتىن زاۋىتى ىسكە قوسىلدى. قۇنى 2,3 ميلليارد  تەڭگە قۇرايتىن جوبا يندۋستريالاندىرۋ كارتاسى شەڭبەرىندە ىسكە اسىپ وتىر.
None
None

 بۇل تۋرالى وبلىس اكىمدىگىنىڭ باسپا ءسوز قىزمەتىنەن حابارلاندى.

 باسپاءسوز قىزمەتىنىڭ مالىمەتىنە قاراعاندا، كاسىپورىن جىلىنا 70 ميلليون دانا شىنى ىدىستار شىعارۋعا قاۋقارلى. قازىر مۇندا 150 ادام جۇمىسپەن قامتىلدى. شاراعا ارنايى قاتىسقان وبلىس اكىمىنىڭ ورىنباسارى ساپاربەك تۇياقبايەۆتىڭ ايتۋىنشا، جوباعا «بيزنەستىڭ جول كارتاسى-2020» باعدارلاماسى اياسىندا ينجەنەرلىك- كوممۋنيكاتسيالىق ينفراقۇرىلىم تارتۋ جانە نەسيە بويىنشا پايىزدىق مولشەرلەمە سۋبسيديالاۋ بويىنشا مەملەكەتتىك قولداۋ كورسەتىلگەن.

«قازاقستاندا شىنى شىعاراتىن ەكى كاسىپورىن بولسا، سونىڭ جاڭا تەحنولوگيامەن جابدىقتالعان بىرەگەيى - وسى زاۋىت. قازىرگى تاڭدا كاسىپورىن رەسپۋبليكاداعى سۇرانىستىڭ 15 پايىزىن قامتىپ وتىر. بۇل - «وڭتۇستىك» يندۋستريالدى ايماعىندا ىسكە اسىپ وتىرعان 32- جوبا» ، ‒ دەدى وبلىس اكىمىنىڭ ورىنباسارى.

زاۋىت شۆەيتساريالىق «Emhart» كومپانياسىنىڭ جابدىقتارىمەن قامتىلعان. تەحنولوگيا تولىعىمەن اۆتوماتتاندىرىلعان جانە وندا اقاۋلاردى انىقتايتىن ارنايى سكانەر ورناتىلعان. كاسىپورىن شىنى ماسساسىن دايىنداۋعا ارنالعان قۇرامداستاردىڭ كەيبىر تۇرلەرىن (دولوميت، اكتاس) وزدىگىنشە شىعارادى جانە قىلتاسى بار شىنى بۇيىمدارىنىڭ بارلىق ءتۇرىن شىعارۋعا قاۋقارلى بولىپ وتىر.

اۆتور: قانات مامەتقازى ۇلى

سوڭعى جاڭالىقتار