قىرعىزستاننىڭ قارجىلىق جۇيەسى وڭالىپ كەلەدى

استانا. قازاقپارات -  قىرعىزستان زاڭسىز قارجىلىق تۇسىمدەر مەن تەرروريزمدى قارجىلاندىرۋدان كۇدىكتى ەلدەر تىزىمىنەن شىعارىلدى. مۇنداي سەنىم قارجى سالاسىنداعى قىلمىستىق ارەكەتتەردى بولدىرماۋ جونىندەگى حالىقارالىق ۇكىمەت ارالىق ۇيىم تاراپىنان بەرىلدى.
None
None

 قارجى جۇيەسىن وڭالتۋعا پارمەندى شارالار قولدانىپ، كاپيتال زاڭداستىرۋدى قولعا العان قىرعىز مەملەكەتىندە ەكونوميكالىق جاڭعىرۋ بايقالادى.

ۇكىمەت ارالىق ۇيىم ەسەبىندە كورسەتىلگەندەي، قىلمىستىق جولمەن كەلگەن تابىستى زاڭداستىرۋ مەن تەرروريزمدى قارجىلاندىرۋ كوزدەرىن جويۋ ارقىلى قىرعىزستان وڭ ناتيجەلەرگە قول جەتكىزىپ وتىر. الەۋەتى تومەن ەلدەردىڭ «سۇر تىزىمىنە» ىلىككەن رەسپۋبليكا 4 جىلدىڭ ىشىندە تىعىرىقتان شىعا ءبىلدى. ەندى قىرعىز ەلىنەن كۇشەيتىلگەن قاداعالاۋ رەجيمى الىنىپ تاستالادى. الەمدىك قاۋىمداستىق بۇل مەملەكەتتىڭ قارجىلىق جۇيەسى قاۋىپتى تاۋەكەلدىلىكتەن ارىلىپ، دۇنيەجۇزىلىك تالاپتارعا ساي كەلەتىندىگىنەن حاباردار بولادى.

اينۇر چەكيروۆا، بىشكەك بيزنەس قاۋىمداستىعى اليانسىنىڭ ساراپشىسى:

 - بۇل - قارجىلىق بارلاۋ جانە قۇقىق قورعاۋ جۇيەسىن جاريالى، اشىق جۇرگىزۋدىڭ جەمىسى. قىرعىزستان ۇكىمەتى كاسىپكەرلىك سالاسىنا دا زاڭداستىرۋ جۇمىستارىن جۇرگىزۋدە.

 كاپيتالعا راقىمشىلىق جاساۋدان قىرعىز ەلىنىڭ ۇتقانى كوپ. بۇل اۋقىمدى اكسيانىڭ ماقساتى ەڭ الدىمەن ەكونوميكاعا جاڭا قارجى قۇيىلۋدا. قازاقستان دا وسى جوسپاردى ءساتتى جۇزەگە اسىرۋدا. قازىرگى تاڭدا تابىستى زاڭداستىرۋدىڭ جاڭا لەگى جۇرگىزىلمەك. بۇعان دەيىنگى راقىمشىلىق شارالارى كورسەتكەندەي، كولەڭكەلى جولمەن شەتەل اسقان ميللياردتاعان قارجى قايتارىلىپ، ەكونوميكاعا جاڭا سەرپىن بەرىلدى. قاراپايىم قازاقستاندىقتار ءۇشىن مۇلىك زاڭداستىرۋ قارجىلىق قاۋىپسىزدىك كەپىلى بولماق.

دينارا وشۋراحۋنوۆا، قۇقىق قورعاۋشى:

- ءسىزدىڭ كاپيتالىڭىزعا، جيعان- تەرگەنىڭىزگە ەشكىم اۋىز سالا المايدى. بۇل جەردە ءسىز تولىقتاي مەملەكەتتىڭ قورعاۋىندا بولاسىز.

 تابىسىن زاڭداستىرعان تۇلعالار قىلمىستىق جانە اكىمشىلىك جاۋاپكەرشىلىككە تارتىلمايدى. قىرعىزستاننىڭ ساراپشىلار قوعامى وكىلدەرىنىڭ ايتۋىنشا، ايتۋلى قارجىلىق اكسيا كورشىلەس ەكى ەلدىڭ قارجى جۇيەسى مەن جاڭا سالىق تولەۋشىلەرى اراسىنداعى سەنىمدى ودان سايىن ارتتىرا تۇسپەك.

«حابار» ارناسى

سوڭعى جاڭالىقتار