نۇرجان تولەنديەۆ: «شانشاردا» ارىپتەستەرىم مىقتى بولدى

استانا.قازاقپارات -  استانا كۇنى مەرەكەسى قارساڭىندا ەلوردادا «شانشار» ، «الداراسپان» جانە «نىسانا» ءازىل- سىقاق تەاترلارى بىرىگىپ كونتسەرت بەردى.
None
None

جەڭىل ءازىل مەن سالماقتى ساتيرانى ساعىنىپ كەلگەن جۇرتتا ەسەپ بولعان جوق، زال لىق تولدى. ال، وسى مەرەكەلىك قويىلىم الدىندا ءبىز «الداراسپان» تەاترىنىڭ ديرەكتورى نۇرجان تولەندييەۆتى اڭگىمەگە تارتقان ەدىك.

- نۇرجان، قازىرگى تاڭدا كورەرمەندەر اراسىندا «تەاترلاردا ىزدەنىس جوق» دەگەن پىكىر ءجيى ايتىلىپ ءجۇر. راسىندا دا، كىشكەنە قۇلدىراۋ سەزىلەتىن سەكىلدى. ءسىز ولاي ويلامايسىز با؟

- مەنىڭ ويىمشا، ول ساناۋلى عانا ادامداردىڭ پىكىرى. ال، وسىنداي ساناۋلى ادامنىڭ پىكىرىمەن تەاترلاردىڭ ەڭبەگىن باعالاۋعا بولمايدى. ىزدەنىس جوق دەپ ايتۋعا مەنىڭ اۋزىم بارمايدى. مىسالى، «شانشار» تەاترى بيىل جاڭا كونتسەرتىن بەردى. بىلتىر جانە ونىڭ الدىڭعى جىلدارى ساحنادا سومدالىپ كەتكەن بىردە ءبىر ءنومىر قايتالانعان جوق. ال، ونى ۇقىپتاپ قاراعان ادام ءاربىر قويىلىمدا كەرەمەت استارلى ويدىڭ بار ەكەنىن بايقاماۋى مۇمكىن ەمەس. سول سەكىلدى «نىسانا» تەاترى دا ءوزىنىڭ كونتسەرتىن بەردى. ءوزىڭىز بىلەتىندەي، «الداراسپاننىڭ» 5  جىلدىعى دا ءوتتى وسى ارالىقتا. ءبىزدىڭ ونەرىمىزدى ءجىتى قاداعالاپ جۇرگەن كورەرمەن بولسا بۇلاي ايتپاس ەدى.

- ءسىز «شانشار» تەاترىندا ويناپ جۇرگەندە ەلدىڭ جادىندا بىردەن جاتتالىپ قالعان، ءسىزدىڭ تانىلۋىڭىزعا بىردەن ءبىر سەبەپشى بولعان «تۋكا» ، «الەش» ، «قوشان» سىندى كەيىپكەرلەر پايدا بولدى. ال، «الداراسپان» كىمىمەن ماقتانا الادى؟

- بۇل ءسوزىڭىزدىڭ جانى بار، ارينە. جاۋاپ بەرەيىن.. .

 بىرىنشىدەن، مەنىڭ «شانشارداعى» ارىپتەستەرىم وتە مىقتى بولدى، ۋاليبەك پەن ءجۇسىپ اعالارىمىز جايىندا ايتىپ وتىرمىن. ەكىنشىدەن، سول كەزدەگى پسيحولوگيا مەن قازىرگى ۋاقىتتاعى پسيحولوگيانى سالىستىرۋعا بولمايدى. قازىر ءاربىر ءسوزىڭدى ابايلاپ ايتپاساڭ قيىن. ەكى ءتۇرلى ويعا الىپ كەلۋى ابدەن مۇمكىن. ادامنىڭ ءبارى سانالى، اقپارات كوزدەرى مول، ينتەرنەت جەلىسىنىڭ دامۋى الدەقايدا العا باسقان كەزەڭدەمىز. ال، سول كەزدەرى ءبىز، ءسوزدىڭ شىنى كەرەك، كەز كەلگەن ءازىلدى قورىقپاي ايتا بەرەتىن ەدىك، سويلەي بەرەتىن ەدىك، جاس بولدىق. جاستىقتىڭ جالىنىمەن ايتقان سول ازىلدەرىمىز حيت بولىپ كەتكەنى راس. وعان قوسا، بىزبەن ەشكىمنىڭ شارۋاسى دا بولعان جوق. ال، قازىر ەسىمىزدى جيناعاننان كەيىن مىناۋىمىز دۇرىس ەمەس ەكەن عوي دەپ، وزىمىزگە ءوزىمىز سىن كوزبەن قارايتىن بولدىق. ءسوزدىڭ پارقىن پايىمدايتىن بولدىق. ەرتەڭگى كۇنى بولاشاققا نە ايتارىم بار، بۇل ءسوزىمنىڭ سالماعى قانداي بولماق دەپ مەن دە ويلاناتىن بولدىم. سوندىقتان، ءبىرشاما توقتالعانىمىز راس. ءبىراق، بۇل «الداراسپاننىڭ» كورەرمەنى جوق دەگەندى بىلدىرمەيدى، تەاتردىڭ بارعان جەرىندە ۇنەمى انشلاگ بولىپ جاتادى. بيلەتتى زورلاپ ساتىپ جاتقانىمىز جوق. جىل سايىن كەلەتىن حالىق تەاتر قويىلىمدارى قىزىقسىز بولسا، اقشاسىن شاشا بەرەتىن اقىماق ەمەس شىعار. وعان قوسا، قازىر ەلىمىزدە تەاتر كوپ. كورەرمەندەر دە تالعامىنا ساي ءبولىندى.

- نۇرجان، جاڭاعى سوزىڭىزگە قايتا ورالساق. قاداعالاپ وتىراتىن ادام كوپ دەدىڭىز. مۇنى قالاي تۇسىنسەك بولادى؟

 -  ارينە، ءبىراق ماسەلە وندا ەمەس، مەن ءوزىم ءۇشىن ساپاسىز اڭگىمەنى قىسقارتۋ كەرەك دەپ شەشكەن ەدىم. تەاتر دەگەن ايدار تاققان سوڭ، ونداعى قويىلىمداردىڭ بەلگىلى ءبىر باسى، اياعى بار ورتاسىندا شارىقتاۋ شەگى بار تولىق دۇنيە بولۋ كەرەك.

- «شانشارداعى» كەزدەرىڭىزدى ساعىناسىز با؟

 -  اڭسامايدى ەكەنمىن، نە دەسەڭىز دە قازىرگى كۇنىمە شۇكىرشىلىك ەتەمىن. ول كەزدە بىرەۋگە مەن شاكىرت بولىپ جۇرسەم، قازىر «الداراسپان» تەاترىنىڭ اكتەرلەرى مەنىڭ شاكىرتتەرىم.

- «حابارستارس» دەگەن باعدارلامادا جۇرگىزۋشى بولدىڭىز. سول «حابارستراستى» ەل نۇرجاننىڭ ءازىلىن تىڭداۋ ءۇشىن قارايدى دەگەندى قۇلاعىمىز شالاتىن. قازىر قانداي جوبالارعا ات سالىسىپ ءجۇرسىز، تەلەجۇرگىزۋشىلىكتى جالعاستىرۋ جوسپارىڭىزدا بار ما؟

 -  ءوزىڭ بىلەسىڭ، مەن شىمكەتتە تۇرامىن، «حابارستارستىڭ» ءتۇسىرىلىمى الماتىدا وتەدى. سول سەبەپتى مەن ءبىر- ەكى تۇسىرىلىمىنە بارا الماي قالعان جاعدايىم بولعان. ءبىر ادامنىڭ جاۋاپسىزدىعىنان جوبانىڭ ادامدارىن كۇتتىرىپ قويۋ دۇرىس ەمەس. كىنا مەنەن بولىپ تۇرعان سوڭ، جوبانى ءارى قاراي جالعاستىرۋدان باس تارتتىم.

- ەندى ءسىزدى تەلەجۇرگىزۋشى رەتىندە كورە المايمىز با؟

 جوق، نەگە؟ ! ايتار ادەمى ويى بار، حالىقتىڭ كوڭىلىنەن شىعاتىن باعدارلاماعا شاقىرسا، مەن ۇلەسىمدى قوسۋعا ءازىرمىن.

- ءسوز سوڭىندا وقىرمانعا تىلەگىڭىزدى بىلدىرسەڭىز.. .

 -  بىرىنشىدەن، رامازان ايى قۇتتى بولسىن. قازاقتىڭ ادەمى ءسوزى بار: ەكى دۇنيەڭ ابات، قوس تويىڭ قابات بولسىن دەگەن. رامازان ايىندا استانا كۇنى بولىپ جاتىر. كەشە كوگىلدىر ەكراننان استانانىڭ كوركەيگەن كورىنىستەرىن كورىپ، مەن شىنىمەن وسى مەملەكەتتە تۇرامىن با دەپ ماقتاندىم. بولاشاقتا مۇنداي ماقتاۋعا لايىقتى ەل بولايىق.

- ۋاقىت تاۋىپ اڭگىمەلەسكەنىڭىز ءۇشىن ۇلكەن راحمەت!

 سۇحباتتاسقان كلارا ەرماعامبەتوۆا،

 BAQ. KZ 

سوڭعى جاڭالىقتار