اناسى مەن قىزىنىڭ اراسىن سۋىتىپ جىبەرگەن ءدىني اعىم

استانا. قازاقپارات - اقتاۋدا بويجەتكەندى ءدىني اعىم تاقىرعا وتىرعىزدى.
None
None

18 جاستاعى ەلياننا ماتۆەيەۆانى يەگوۆا كۋاگەرلەرى سەنىمىنەن باس تارتقانى ءۇشىن وگەي اناسى ۇيدەن قۋىپ شىققان.

بويجەتكەن ءوزىن جاستاي اسىراپ العان اناسىمەن وسى ءدىننىڭ عيباداتحاناسىنا بارىپ، شوقىنۋدى داستۇرگە اينالدىرعان. الايدا كامەلەتكە تولعاندا قۇلشىلىق جاساۋدى دوعارادى.

بۇل ارەكەتىنە ىزالانعان اناسى ونى ۇيدەن قۋىپ شىققان. ال ەليانا ءوز قۇقىعىن قورعاۋعا بەل بۋىپ وتىر. ەليانا تۋعانىنان جەتىم قالعان. بۇگىندە ول: «وگەي انام بەزبۇيرەكتىك تانىتىپ وتىر»، - دەپ اشىنادى.

بويجەتكەننىڭ ايتۋىنشا، ەكىنشى اناسى يەگوۆا ءدىني اعىمىنا كىرىپ، سونداعى ەر اداممەن تۇرمىس قۇرعالى شاڭىراقتىڭ شىرقى بۇزىلدى.

ەلياننا ماتۆەيەۆا، قالا تۇرعىنى:

- مەنىڭ انام پسيحياتردا ەسەپتە تۇرعان ادامداي قىلىقتار كورسەتەدى. ولاردى قاۋىپتى ءدىني اعىم وكىلدەرى ابدەن ارباپ العان. انامنىڭ كۇيەۋى اندرەي مەنىڭ قولىمدى ەكى مارتە شىعارىپ جىبەردى. شەشەم مەنى ەكەۋمىز ۇرىسىپ قالعاندا ۇرىپ-سوعاتىن. ول ماعان «ەگەر ءبىزدىڭ قۇلشىلىق قىلاتىن جەرىمىزگە بارماساڭ، سەنى ۇيگە قاماپ قويامىز»، - دەپ شارت قويدى.

قىزدىڭ اناسى ءبىلىم الۋعا دا نارازىلىق ءبىلدىرىپ، قۇجاتتارىن تىعىپ قويعان. ول ازداي «يەگوۆاعاسەنبەسەڭ، ۇيدە ساعان ورىن جوق»، - دەپ، ەلينانى دالاعا قۋىپ شىققان.

ەلياننا ماتۆەيەۆا، قالا تۇرعىنى:

- ولار ءوز دىنىندە بولماعان ادامدارمەن ارالاسۋعا، سويلەسۋگە بولمايدى دەگەن كوزقاراستا. مەن ولاردىڭ دىنىنەن كەتكەندە ول ماعان قىر كورسەتىپ، قورقىتتى. «ەگەر دىنىمىزگە بارماساڭ، ساعان ەشقاشان اقشا بەرمەيمىن»، - دەدى. «ءوز كۇنىڭدى ءوزىڭ كور» دەپ ماعان سوقىر تيىن دا ۇستاتپايتىن بولدى.

بۇگىندە ول قۇربىسىنىڭ ءۇيىن پانالاۋعا ءماجبۇر. ەندى ەكەۋى بىرگە باسپانانى قايتارۋعا كۇش سالماق. بۇل شيەلەنىسكەن ءىستى پروكۋراتۋرا وكىلدەرى دە زەرتتەي باستادى. ورازبەك قىپشاقوۆ، قالا پروكۋرورىنىڭ اعا كومەكشىسى:

- ۇيىنەن قۋىلعان قىزدى، شىعارىپ جىبەرىلگەن ازاماتشانىڭ كونستيتۋتسيالىق قۇقىقتارىن قورعاۋ ماقساتىندا تەكسەرۋلەر جۇرگىزىلەدى. ول ازاماتشاعا قۇقىقتارىن قورعاۋ ماقساتىندا بارلىق كومەك كورسەتىلەدى.

ءبىز وسى جاعدايعا بايلانىستى اناسىمەن تىلدەسپەك بولدىق. الايدا ەرلى-زايىپتى كامەرانى كورە سالا بوي تاسالاپ كەتىپ قالدى. اۆتورلارى: باقىتجان ساتىلحان ۇلى، سالامات بەكبايەۆ

24.kz

سوڭعى جاڭالىقتار