دارىگەرلەر، تۇرمە قاراۋىلدارى مەن شەنەۋنىكتەر ەرەۋىلگە شىقتى

استانا. قازاقپارات - گرەكيادا مەملەكەتتىك سەكتوردىڭ جۇمىسشىلارى 24 ساعاتتىق ەرەۋىلدى باستادى.
None
None

ولار مەملەكەتتىك شىعىستاردى ءارى قاراي قىسقارتۋ شارالارىنا قارسى نارازىلىق بىلدىرۋدە.

ەرەۋىل اۋرۋحانالاردىڭ، تۇرمەلەردىڭ، مەملەكەتتىك مەكەمەلەردىڭ قالىپتى جۇمىسىنا كەدەرگى كەلتىرمەك.

اكسياعا قاتىسۋشىلار جالاقى مەن زەينەتاقىنى 40 پايىزعا قىسقارتۋ، سونداي-اق مەملەكەتتىك مەنشىكتى جەكەشەلەندىرۋ بويىنشا اۋقىمدى جوسپارعا نارازىلىقتارىن بىلدىرۋدە.

وسى ورايدا مەملەكەتتىك سەكتوردىڭ قىزمەتكەرلەرىن بىرىكتىرىپ وتىرعان كاسىپوداق بەلسەندىلەرى افينا قالاسىنداعى ورتالىق الاڭدا جاپپاي ميتينگ وتكىزۋدە.

نارازىلىق اكتسيالارى گرەكياعا حالىقارالىق كرەديتورلاردىڭ ساپارى مەرزىمىمەن قاتار كەلىپ وتىر. ولار قارجىلىق داعدارىستان شىعۋ ءۇشىن ۇكىمەتتىڭ قابىلداعان شارالارىنىڭ جۇزەگە اسىرىلۋى بارىسىن تەكسەرەتىن بولادى.

بۇدان بۇرىن كرەديتورلار ءتورت جىلدان استام ۋاقىت بويى قاتاڭ ۇنەمدەۋ شارالارىن جۇرگىزگەن گرەكيانىڭ كۇش-جىگەرىنە جوعارى باعا بەرگەن بولاتىن.

اۆتور: رۋسلان عابباسوۆ

سوڭعى جاڭالىقتار