ارتايەۆتى ايىپتاۋشى بويجەتكەن بوكسشىنى پوليگرافتا تەكسەرۋدى تالاپ ەتۋدە

بۇل تۋرالى جابىرلەنۋشى BNews.kz كە بەرگەن سۇحباتىندا ايتتى.
ارتايەۆتى ايىپتاۋشى بويجەتكەن بوكسشىنى پوليگرافتا (ءسوزدىڭ راستىعىن انىقتايتىن قۇرىلعى) تەكسەرۋدى تالاپ ەتۋدە
«قازىر ارتايەۆتىڭ جاقتاستارى قورىققاندارىنان قولدارىنان كەلگەندى جاساپ وتىر (ارتايەۆتىڭ باسپا ءسوز ءماسليحاتى جونىندە - اگەنتتىك). باستىسى، دالەلدەرىم بار. ەندى ارتايەۆتى پوليگرافتا تەكسەرۋ كەرەك. مەن بۇل تۋرالى قۇقىق قورعاۋ ورگاندارىنان سۇرادىم»، - دەيدى ايسۇلۋ ىبىراشوۆا.
سونىمەن قاتار، ول ءوز دەگەنىنەن قايتپايتىنىن، ءوزىنىڭ ءادىل ەكەندىگىن دالەلدەيتىنىن ايتادى.
"بۇگىنگە دەيىن بەرگەن سۇحباتتارىمدا بىردە-ءبىر رەت جالعان سويلەگەن جوقپىن. سوت مەديتسينالىق ساراپتامالاردان دەر كەزىندە ءوتتىم. ارتايەۆ ءبىر سۇحباتىندا مەن ونىڭ بەتىنەن ۇرىپ، ىشىنەن تەپكەنىمدى ايتىپتى.
تەكسەرۋ كەزىندە ونىڭ بەتىنەن دە، ىشىنەن دە سوققىنىڭ ءىزى بايقالماعان. ەندى ولار وزدەرىن اقتاپ شىعۋ ءۇشىن قولدارىنان كەلگەندى جاساپ وتىر. ەگەر دە ول جانىنا كۋاگەرلەرىن ەرتىپ كەلىپ، مەنەن كەشىرىم سۇراسا، ونى سول كەزدە- اق كەشىرەر ەدىم"، - دەيدى ىبىراشوۆا.
ەستەرىڭىزدە بولسا، مۇنىڭ الدىندا بوكسشى باسپا ءسوز ءماسليحاتىن وتكىزىپ، جابىرلەنۋشىنى الاياق دەپ ايىپتاعانىن حابارلاعان بولاتىنبىز. ال ارتايەۆتىڭ قورعاۋشىسى توبەلەستى كورگەن كۋاگەرلەردىڭ دە، وقيعانى جازىپ العان كامەرانىڭ دا جوق ەكەندىگىن ايتادى.