ساۋاپ جيناۋعا اسىققان قىزىلوردا شەنەۋنىكتەرى ءدىندارلاردى تاڭقالدىردى

استانا. قازاقپارات - قىزىلوردادا رامازان ايىنىڭ قاسيەتىن تۇسىنگەن شەنەۋنىكتەر ساۋاپتى ءىس جاساۋعا ۇمتىلىپ جاتىر.
None
None

وبلىستىق باسقارمالار قالاداعى "اقمەشىت-سىرداريا" مەشىتىندە، ال قالالاعا قاراستى قۇزىرلى ورىندار "ايتباي" مەشىتىندە كەزەكپەن كەزەك اۋىزاشار جاساۋدا.

وسىلايشا ەكى مەشىتتەن ءبىر كۇندە 500 دەن اسا ادام ارنايى جايىلعان داستارحاننان ءدام تاتىپ جاتىر.

"اقمەشىت-سىرداريا" مەشىتى باس يمامىنىڭ ايتۋىنشا، كاسىپكەرلەر دە وعان ۇلەس قوسۋعا نيەتتى ەكەن. "ءبىراق، 30 كۇنگە بارلىعىن سىيعىزۋ مۇمكىن بولماي وتىر"، - دەيدى ول.

"وتە تاڭ قالىپ جاتىرمىز. بۇرىن-سوڭدى مەكەمە باسشىلارى، حالىققا قىزمەت كورسەتىپ جۇرگەن ازاماتتاردىڭ تالاسىپ-تارماسىپ اۋىز اشار بەرگەنى بۇرىن سوڭدى ەسىتىمەگەن ەدىك.

"قادىر تۇنىندە" جاماعاتتى سەرپىلتۋ ءۇشىن سىيلىقتار الىپ قويىپ جاتىرمىز. ياعني، ۆيكتورينالىق سۇراقتار دايىنداپ جانە دە سول سۇراقتارعا جاۋاپ بەرگەن جاماعاتقا قۇندى سىيلىقتار بەرەمىز"، - دەيدى قمدب- نىڭ وبلىس بويىنشا وكىلى تالعات وماروۆ.

باس يمامنىڭ ايتۋىنشا، "تاراۋيح" نامازى كەزىندە ءبىر عانا مەشىتتە 190 ليتر اۋىز سۋ جۇمسالادى ەكەن. وسىدان-اق قاسيەتتى ايدا اللا ۇيىنە كەلۋشىلەردىڭ قاراسى ارتقاندىعىن اڭعارۋعا بولادى دەيدى.

ال "تاراۋيح" نامازىنا كەلگەن جاماعاتقا بىرنەشە اۆتوبۋس تەگىن قىزمەت كورسەتۋدە. ءارتۇرلى باعىتقا قاتىنايتىن قوعامدىق كولىكتەر ءتۇن جارىمىندا حالىقتى اقىسىز جەتكىزىپ سالۋدا.

«7-ارنا»

سوڭعى جاڭالىقتار