بوستونداعى جارىلىسقا ايىپتالىپ جاتقان قوس جەرلەسىمىزگە قاتىستى جاڭا دەرەك شىقتى

استانا. قازاقپارات - جوحار تسارنايەۆ شاھيت بولۋدى قالاعان. بوستونداعى جارىلىستى ۇيىمداستىرعان لاڭكەس مۇنىسىن دوستارىنا ءجيى ايتىپتى.
None
None

بۇل تۋرالى ازامات ءتاجياقوۆقا قاتىستى باستالعان تىڭدالىم بارىسىندا بەلگىلى بولىپ وتىر. سونداي پروتسەستە قوس وتانداسىمىزدىڭ ەسىرتكىگە اۋەستەگى دە ايتىلدى. ياعني، جارىلىس بولعان كۇنى ءتاجياقوۆ پەن قادىربايەۆ كىشى تسارنايەۆتىڭ بولمەسىنە ماريحۋانا الۋ ءۇشىن بارعان ەكەن. ال، تسارنايەۆتىڭ سومكەسىن سول ەسىرتكىنى سىرتقا شىعارۋ ءۇشىن پايدالانعان كورىنەدى.

ءبىر جىل، 3 اي كۇتكەن سوت. بوستوندا قوس قازاق ستۋدەنتىنە قاتىستى باستالعان پروتسەستى باتىس باسىلىمدارى وسىلاي اتاۋدا. فەدەرالدىق تەرگەۋ بيۋروسى ءىستى وسىنشا ۋاقىت تەرگەگەن. ءسويتىپ، باستاپقىدا ازامات ءتاجياقوۆ پەن دياس قادىربايەۆتى پوليتسيا «ۆيزا رەجيمىن بۇزدى» دەگەن سىلتاۋمەن قاماسا، كەيىن تسارنايەۆتىڭ سىبايلاستارى دەگەن ايىپتى تاقتى.

ءامىر يسماعۇلوۆ، ازامات ءتاجياقوۆتىڭ اكەسى:

- ءبىزدىڭ كۇتكەنىمىزدەي سوت شەشىم شىعارمادى. ويتكەنى بۇل ۇلكەن ءىس. سوت وزىنە المادى جۇكتى. ويلاعانبىز ءبىز ازامات پەن دياستىڭ الدىندا بەرگەن تەرگەۋى زاڭسىز دەپ تاۋىپ، بۇگىن ءىستى توقتاتادى دەپ.

بۇگىنگى سوت وتىرىسىنا 4 كۋاگەر قاتىستىرىلدى. ەكەۋى تەرگەۋشى، بىرەۋى ۋنيۆەرسيتەت ديرەكتورى، تاعى بىرەۋى ازامات پەن دياستىڭ قۇربىسى. سوڭعىسىنىڭ بەرگەن جاۋابى بويىنشا، سول كۇنى تسارنايەۆتىڭ بولمەسىنە جاتاقحاناداعى ستۋدەنتتەردىڭ تەڭ جارتىسى بارعان ەكەن.

ءامىر يسماعۇلوۆ، ازامات ءتاجياقوۆتىڭ اكەسى:

- بۇگىنگى تەرگەۋگە بايلانىستى تاعى ءبىر بىلگەن شارۋامىز جوحار ۋنيۆەرسيتەتتە ماريحۋانا ساتاتىن ديلەر بولعان ەكەن. بالالار تەك سول ماريحۋانانى الۋ ءۇشىن بارعان. ال سومكەنى تەك ماريحۋانانى سالۋ ءۇشىن العان.

دەسە دە ازىرگە وسى ايتالعانداردىڭ بارلىعى نازارعا الىنبايتىن ءتۇرى بار. ءبىراق ازاماتتى قورعاۋىنا العان 6 ادۆوكات بار كۇشتەرىن سالۋدا.

اركادي بۋح، ازامات ءتاجياقوۆتىڭ ادۆوكاتى:

- ازامات اكەسىنىڭ كەڭەسىمەن تەرگەۋگە بارىنشا كومەگىن بەردى. ياعني، جوحار تسارنايەۆ تۋرالى تولىق سۇراعان اقپارىن ايتقان. ءبىراق ەندى، مىنە، ونىسىن وزىنە قارسى پايدالانۋدا. ونى اقتاتۋعا تىرىسامىز.

بوستانداعى جارىلىس بىلتىر ءداستۇرلى ءساۋىر مارافونى كەزىندە جويقىن بولعان. سالدارىنان 3 ادام قازا تاۋىپ، 200 گە جۋىعى جارالاندى. كەيىن وسى لانكەستى اعايىندى تسارنايەۆتاردىڭ ۇيىمداستىرعانى بەلگىلى بولدى. ازامات پەن دياس سول «كۇدىكتىلەرگە تيەسىلى سومكەنى قوقىسقا لاقتىردى» دەپ ايىپتالۋدا.

- ازامات تاجياقوۆقا قاتىستى تىڭدالىم 12 القا بي مەن قوسىمشا 6 سۋديانىڭ قاتىسۋمەن ءوتىپ جاتىر. پروتسەسس ەرتەڭ دە جالعاسادى. ال ونىڭ دوسى، ەكىنشى جەرلەسىمىز دياس قادىربايەۆتىڭ سوتى 8- قىركۇيەككە بەلگىلىنگەن. ەگەر وتانداستارىمىز ايىپتى دەپ تانىلسا، وندا ولار كەمى 25 جىلدى ارقالاۋى مۇمكىن.

ktk.kz

سوڭعى جاڭالىقتار