الماتىدا زاڭسىزدىققا كۇيىنگەن ازامات ءوزىن ولتىرمەك بولدى

استانا. قازاقپارات - الماتىدا ەگدە جاستاعى ازامات كوپتىڭ كوزىنشە ءوز تاماعىنا پىشاق تاقاپ، جۇرتتى ءبىراز دۇرلىكتىردى.

 كوشە ورتاسىندا ايقايعا باسقان تۇرعىن پروكۋرور مەن جۋرناليستەردىڭ نازارىن وسىلايشا اۋدارماق بولعان.

سۋىق قارۋىن سۋماڭداتقان ازاماتتىڭ بۇل قىلىعى پوليتسيا عانا ەمەس، جەدەل جاردەم، ءتىپتى قۇتقارۋشىلاردى دا تىكەسىنەن تىك تۇرعىزدى. ال مۇنداي قادامعا بارۋىنا، بالاسىنا قاتىستى قوزعالعان ءىس سەبەپ بولىپتى. الەكساندر كيمنىڭ ايتۋىنشا، ءتۇن ورتاسىندا ۇلىنىڭ ماشيناسىن تانىستارى ءمىنىپ كەتىپ، جول ەرەجەسىن ورەسكەل بۇزعان. سول ءۇشىن ەندى مەنشىك يەسى جاۋاپقا تارتىلپ جاتىر ەكەن. ءتارتىپ ساقشىلارىنا سەنۋدەن قالدىم دەگەن ازامات، وسىنداي ايقايمەن اقىرى پروكۋروردى الدىرتتى. قاداعالاۋشى ورگان وكىلى كەلگەندە عانا ساباسىنا ءتۇسىپ، ماسەلەنى كوشەدە ەمەس كابينەتتە تالقىلاۋعا كەلىستى.

الەكساندر كيم:

- كەشكىسىن ۇلىما بەيتانىس بىرەۋ حابارلاسىپ، جەلتوقسان كوشەسىنىڭ بويىندا كولىگى اپاتقا ۇشىراعانىن ايتتى. بالامنىڭ ەكى تانىسى جانىنا ەكى قىزدى الىپ، جوعارى جىلدامدىقپەن كەلە جاتقاندا كولىك اۋدارىلعان. قاتتى سوققىدان جول بويىندا تۇرعان ەكى ءجيپتى زاقىمداعان. ەندى وسىعان ۇلىمدى كىنالاپ وتىر.

ktk.kz