رەسەيلىكتەر قازاقتان جالعا العان جەردىڭ جارتىسىن قايتارادى

استانا. قازاقپارات - اتىراۋ وبلىسىنداعى تايسويعان مەن ازعىر پوليگوندارىنىڭ باسىم بولىگى قازاقستانعا قايتارىلاتىن بولدى.
None
None

جەرگىلىكتى اۋىل شارۋاشىلىعى ءونىمىن ءوندىرۋشى فەرمەرلەر مەن مۇناي بارلاۋ سالاسىنىڭ وكىلدەرى كوپ جىلداردان بەرى ول جەردىڭ ءبىراز بولىگىن قايتارۋ تۋرالى ماسەلە كوتەرىپ جۇرگەن بولاتىن.

بۇعان قازىر پارلامەنت دەپۋتاتتارى باسا نازار اۋدارۋدا.

ەندى ۇكىمەت مۇشەلەرىنىڭ ارالاسۋىمەن الداعى ۋاقىتتا رەسەيلىك اسكەريلەر جالعا الىپ وتىرعان جەردىڭ كوپ بولىگى قايتارىلماق.

قىزىلعا اۋدانىنىڭ 3/1 بولىگىن الىپ جاتقان تايسويعان پوليگونىنىڭ جالپى اۋماعى 750 مىڭ گەكتار.

جەردىڭ پايدالانىلماي جاتقان بولىگىن قايتارۋ ماسەلەسى 2011 - جىلدان بەرى كوتەرىلىپ كەلەدى. بىرنەشە رەت مەملەكەتارالىق كوميسسيا قۇرىلىپ، اقىرى پوليگوننىڭ جەرىن 125 مىڭ گەكتارعا دەيىن قىسقارتۋ تۋرالى كەلىسىم جاسالدى.

سارسەنباي ەڭسەگەنوۆ، ق ر پارلامەنتى سەناتىنىڭ دەپۋتاتى:

- بۇل تەك قانا ەكونوميكالىق ماسەلە ەمەس، الەۋمەتتىك ماسەلە. وسىعان ەندى ءتيىستى مينيسترلىكتەر، ۇكىمەتتىڭ تاراپىنان ۇلكەن تۇسىنۋشىلىك بار، قولداۋ بار ۇكىمەت تاراپىنان. ءبىز اماندىق بولسا، وسى ماسەلەنى شەشەدى دەگەن ويدامىز.

بۇل جەرلەر وتكەن عاسىردىڭ 50 - جىلدارىنا دەيىن كەڭەس وداعىنىڭ يادرولىق قارۋلاردى سىنايتىن پوليگونى بولعان. كەيىن دە رەسەي جالعا الىپ بەيبىت ماقساتتاعى اسكەري زىمىرانداردى سىناۋ الاڭىنا اينالدىردى. ءۇستى مالعا تابىلماس جايىلىم، استى كومىر سۋتەگى شيكىزاتى قورىنا باي جەردى پايدالانۋعا رۇقسات جوق. كەلىسىمشارت بويىنشا جالعا بەرىلگەن جەرگە قازاقستاندىقتاردىڭ اتتاپ باسۋعا قۇقى بولمايدى.

ايىپ سۇپىعاليەۆ، مۇناي ءوندىرۋ كومپانياسىنىڭ وكىلى:

- ءبىزدىڭ قازىرگى ەسەبىمىز بويىنشا تۇزدىڭ ۇستىڭگى قاباتىندا 51 ميلليون تونناداي مۇناي قورى بار. تۇز استى قاباتىنداعى مۇناي قورىن زەرتتەۋگە دە ءبىزدىڭ قولىمىز جەتەر ەدى مىنا پوليگوننىڭ كولەمى قىسقارتىلسا.

مۇنايشىلارمەن قاتار، جەرگىلىكتى شارۋالار دا بۇل جەرگە اياق باسا الماي ءجۇر. الدىن-الا ەسەپتەر بويىنشا بۇل اۋماققا 50 شارۋا قوجالىعىن سىيعىزۋعا بولادى ەكەن. بۇل جەردىڭ قۇنارلى ءشوبى 30 مىڭ قوي، 20 مىڭ باس سىيىر جانە جىلقى اسىراۋعا جەتەدى.

شورا سارقۇلوۆ، تايسويعان اۋىلىنىڭ تۇرعىنى:

- مىنا پوليگون جەرى بىزدەر مالىمىزدى باعىپ، ءشوبىمىزدى شاباتىن كۇنكورىسىمىز ەدى. ال، مۇنايدى قوسسا، مىنا بالالارىمىزعا جاقسى جۇمىس بولىپ، كىشكەنە ەڭبەك ەتىپ جاقسى بولار ەدى.

بوس جاتقان جەردى كادەگە جاراتقىسى كەلەتىن جان جەتكىلىكتى. ازىرگە قوس تاراپتىڭ اسكەري قۇرىلىمدارى كەلىسىمگە كەلدى، تەك رەسمي قۇجاتتارعا قول قويۋ ءراسىمى عانا قالعان. بۇيىرتسا، بۇل ايماقتا مۇناي ءوندىرىسى جاندانىپ، ءتورت تۇلىك مال مەن اۋىلداعى جان باسى ارتىپ، جاڭا جۇمىس ورىندارى اشىلادى دەگەن ءۇمىت بار.

khabar.kz

سوڭعى جاڭالىقتار