اۋىلداعى ونەرتاپقىش ءوزىنىڭ تراكتورىن كوپ فۋنكتسيالى تەحنيكاعا اينالدىردى

جالاعاش اۋدانى ءمورالى شامەنوۆ اتىنداعى ەلدى مەكەندە تۇراتىن جولداسبەك قۋانتايەۆتىڭ كولىگى ءشوپ ورادى، سۋ تاسيدى جانە جەر تەگىستەپ، قۇم-توپىراق تاسىمالداي الادى. زەينەتكەر ءوز كولىگىمەن اۋىلداستارىنا كومەك قولىن سوزۋعا دا ءار كەز دايىن.
العاش رەت 34 جىل بۇرىن «ۆلاديميرەتس» اتاۋىمەن شىعارىلعان تەحنيكا بىرنەشە رەت جاڭالانىپ، قايتا قۇراستىرىلعان. بۇگىندە بۇل تراكتوردىڭ قوسالقى بولشەكتەرى تابىلمايدى، ساتىلمايدى. دەگەنمەن، 40 جىلداي مەحانيزاتور بولعان جولداسبەك اقساقال تەمىردىڭ ءتىلىن تاۋىپ، كولىكتى قولدانىستان شىعارماۋدا. نەگىزىندە تەك جەڭىل جۇكتەردى تاسۋعا ارنالعان تراكتورعا تەگىستەيتىن قۇرال، ءشوپ ورۋعا ارنالعان شاعىن جاتكا جالعاعان. قوسالقى تىركەمەلەرمەن سۋ، توپىراق جانە باسقا دا جۇكتەر تاسىمالداۋعا بولادى. قارت مەحانيزاتور ىزدەنىسىن توقتاتپاق ەمەس.
جولداسبەك قۋانتايەۆ، ونەرتاپقىش:
- ەندى كەلەشەك قۇم تيەيتىن نارسە ويلاپ ءجۇرمىن. اناۋ-مىناۋ تابىلسا، سونى ىستەگىم كەلەدى. ماتەريالدار قازىر تابىلا قويمايدى. بازاردان ىزدەۋگە بولادى، سيليندر كەرەك. تىركەمەمە قۇم تيەپ الىپ، ءوزىم جەگىپ كەتە بەرەتىندەي قىلىپ جۇرگىم كەلەدى.
قارت مەحانيزاتور ەگىن القابىن تەگىستەپ بەر، باۋ-باقشا جەمىسىن تاسىپ بەر دەپ كومەك سۇراي كەلگەن اۋىلداستارىنىڭ كوڭىلىن قالدىرىپ، قولىنان قاققان ەمەس. ءاردايىم جاردەم بەرۋگە دايار تۇرادى.
- قولىنان قامقورلىعىن ايامايدى. كوپ شارۋاشىلىقتار وعان ءتيىستى، كەيدە ايتامىز، ءوتىنىشىمىزدى ورىندايدى.
- ول كىسىنىڭ ىستەپ جاتقان تىرشىلىگى كوپ تۇرعىندارعا ۇلگى.
جاستايىنان تەمىر-تەرسەككە ءۇيىر بولعان جولداسبەك اقساقال سىزبا-بەينەلەۋگە دە شەبەر. جەتپىستى تولتىرۋعا جاقىنداعان مەحانيزاتور بۇگىندە بويىنداعى بار ونەرىن جاس بۋىنعا ۇيرەتىپ ءجۇر.
khabar.kz