ا ق ش-تا عالىمدار جەردە تىرشىلىك ەتكەن ەڭ ءىرى قۇستىڭ ۇشۋ قۇپياسىن اشتى

25 ميلليون جىل بۇرىن جەردە تىرشىلىك ەتكەن ءىرى قۇستىڭ قانات سەرپىنى 6,5 مەتردەن اسىپ تۇسكەن. ودان كەيىن تىرشىلىك ەتكەن ەڭ ءىرى قۇس - الباتروس - بۇل كورسەتكىشتەن ەكى ەسەگە از.
عالىمداردى اسا ءىرى قۇستىڭ ۇشۋى قىزىقتىرعان.
ولار مۇنى ۇلگىگە سالىپ كوردى. ەجەلگى جانۋارلار دۇنيەسىنىڭ وكىلى اۋا اعىنى كۇشىمەن قۇلاشتى قانات سەرپۋىنىڭ ارقاسىندا وراسان قاشىقتىقتى ەڭسەرىپ، ءبىر اپتا بويى توقتاۋسىز ۇشاتىن بولعان.
بۇل رەتتە ونىڭ ۇشۋ جىلدامدىعى ساعاتىنا 55 شاقىرىمعا جەتكەن.
الايدا ءالى كۇنگە دەيىن زەرتتەۋشىلەر بىرنەشە ونداعان كەلى سالماقپەن جانە وتە نازىك سۇيەكپەن دەنساۋلىعىنا قاۋىپ توندىرمەي، ونىڭ جەرگە قالاي قونعانىن انىقتاي الماي وتىر.
ەجەلگى قۇستىڭ قاڭقاسى چارلستون (وڭتۇستىك كارولينا) قالاسىندا اۋەجاي قۇرىلىسىن سالۋ بارىسىندا 1983 - جىلى تابىلعان. الايدا جۋىردا عانا كومپيۋتەرلىك تەحنولوگيانىڭ ارقاسىندا قۇستىڭ ميلليون جىلدار بۇرىن تىرشىلىك كەشكەندىگىن انىقتاۋ مۇمكىندىگى تۋدى.