اسكەري قىزمەتكەرلەرى اراسىندا «مەملەكەتتىك ءتىل - مەنىڭ ءتىلىم» بايقاۋى مارەگە جەتتى

ورال. قازاقپارات - ق ر ۇلتتىق ۇلانى «باتىس» وڭىرلىك قولباسشىلىعىنىڭ قىزمەتكەرلەرى اراسىندا «مەملەكەتتىك ءتىل - مەنىڭ ءتىلىم» بايقاۋى مارەگە جەتتى.

قولباسشىلىقتىڭ باسپا ءسوز قىزمەتىنەن تۇسكەن مالىمەتكە قاراعاندا، اتالمىش سايىسقا اقتاۋ، جاڭاوزەن، اتىراۋ، اقتوبە جانە ورال قالاسىندا ورنالاسقان اسكەري بولىمدەردەن التى ۇمىتكەر - وزگە ۇلت وكىلدەرى قاتىسىپ، ءتورت كەزەڭ بويىنشا سىنعا ءتۇستى. باستاپقىدا ولار وزدەرىن تانىستىرسا، ودان كەيىن ماقال- ماتەل ايتۋ، قازاق اقىن- جازۋشىلارىنىڭ شىعارمالارىن وقۋ، ساحنالىق كورىنىس قويىپ، ءان سالۋدان جارىستى.

بايقاۋ قورىتىندىسىندا ورالداعى 5517- اسكەري ءبولىم قىزمەتكەرى، اعا سەرجانت الەكساندر تيمارين جەڭىمپاز اتانىپ، استانادا وتەتىن قورىتىندى كەزەڭگە جولداما السا، 6655- اسكەري بولىمنەن كەلگەن ەفرەيتور كونستانتين اندريادي (اقتوبە) ەكىنشى، 3502- اسكەري ءبولىمنىڭ كىشى سەرجانتى جورابەك وسمانوۆ (اقتاۋ) ءۇشىنشى ورىندى يەلەندى. ولارعا «باتىس» وڭىرلىك قولباسشىسىنىڭ تاربيە جانە الەۋمەتتىك- قۇقىقتىق جۇمىستار جونىندەگى ورىنباسارى، پولكوۆنيك بەرىك وماروۆ  ديپلوم مەن باعالى سىيلىقتار تابىس ەتتى.

اۆتور:   ەلجان ەرالى