ەدۋارد شيەۆاردنادزەنىڭ ٶمىر جولى

استانا. قازاقپارات- گرۋزيانىڭ   بۇرىنعى   پرەزيدەنتى   ەدۋارد   شيەۆاردنادزە  86  جاسىندا   تبيليسيدە   كوز   جۇمدى. ە دۋارد شيەۆاردنادزەنىڭ 7 - شىلدەدە قايتىس بولعانىن ونىڭ باسپا ءسوز قىزمەتى حابارلادى.
None
None

1928 - جىلى گرۋزيادا تۋعان شيەۆاردنادزە مەديتسينالىق تەحنيكۋمدى ءبىتىرىپ، كومسومول جۇمىسىنا ارالاسقان.  

ول 1965 - جىلى گرۋزين س س ر قوعامدىق قاۋىپسىزدىك ءمينيسترى، كەيىن ىشكى ىستەر ءمينيسترى،  1972 - جىلى گرۋزين س س ر كومپارتياسى ورتالىق كوميتەتى (و ك) ءتوراعاسى بولدى.

1985 - جىلى ك پ س س و ك ساياسي بيۋروسىنا مۇشەلىككە ءوتىپ،  س س س ر سىرتقى ىستەر ءمينيسترى قىزمەتىنە تاعايىندالعان شيەۆاردنادزە ماسكەۋدىڭ سوۆەت وداعىندا دەموكراتيالىق قوزعالىستاردى باسىپ تاستاماۋىندا ماڭىزدى رول اتقاردى. بۇل جىلدارى س س س ر مەن ا ق ش قارىم- قاتىناسى وڭالدى، سوۆەت اسكەرى اۋعانستاننان شىقتى، ستراتەگيالىق قارۋدى ازايتۋ تۋرالى بىرنەشە كەلىسىم جاسالدى.

1990 - جىلى قىزمەتىنەن كەتكەن ەدۋارد شيەۆاردنادزە بوريس ەلتسينمەن پىكىرى ۇيلەسپەسە دە، 1991 - جىلى ر س ف س ر جوعارى كەڭەسى عيماراتىن قورعاۋشىلاردىڭ قاتارىندا بولدى.

تاۋەلسىز گرۋزيانىڭ ءبىرىنشى پرەزيدەنتى زۆيادا گامساحۋرديا بيلىكتەن كەتىرىلگەن سوڭ گرۋزياعا ورالعان ەدۋارد شيەۆاردنادزە مەملەكەتتىك كەڭەس ءتوراعاسى، ودان كەيىن پارلامەنت ءتوراعاسى بولدى.

ەدۋارد شيەۆاردنادزە 1995 - جىلى گرۋزيا پرەزيدەنتى بولىپ سايلانىپ، 2000 - جىلى بۇل مىندەتتى ەكىنشى رەت اتقارۋعا كىرىستى. ءبىراق 2003 - جىلعى ريەۆوليۋتسيا كەزىندە وپپوزيتسيا ونى «پارلامەنت سايلاۋى ناتيجەسىن بۇرمالادى» دەپ ايىپتادى، ال دەپۋتاتتار پرەزيدەنتتىڭ ەلدە توتەنشە جاعداي جاريالاۋ تۋرالى ۇسىنىسىن قابىلداماي،  شيەۆاردنادزە وتستاۆكاعا كەتتى.

شيەۆاردنادزە وزىنەن كەيىن بيلىككە كەلگەن ميحايل سااكاشۆيليدىڭ ساياساتىن سىنادى. ول ەلدە سوڭعى وتكەن پارلامەنت سايلاۋىندا جەڭىسكە جەتكەن «گرۋزيا ارمانى» پارتياسىن قولدادى.

ەدۋارد شيەۆاردنادزەگە 1990 - جىلدارى ەكى رەت قاستاندىق جاسالىپ، سونىڭ بىرەۋىندە جارالانعان.

«ازاتتىق»



سوڭعى جاڭالىقتار