14:46, 10 - شىلدە 2014 | GMT +5
قازاقستان ۆيزاسىز رەجىمگە يە ەلدەردىڭ قاتارىن ۇلعايتپاق
استانا. قازاقپارات - ق ر سىرتقى ىستەر مينيسترلىگى ازاماتتارى قازاقستانعا ۆيزاسىز كەلە الاتىن ەلدەردىڭ قاتارىن كەڭەيتپەك.

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىبايەۆ ءمالىم ەتتى.
«كوپتەگەن ەلدەر وسىنداي جەڭىلدەتىلگەن ۆيزاسى رەجىم العىلارى كەلەدى. ءبىز قازىرگى ۋاقىتتا قولعا الىنعان قاناتقاقتى جوبادان كەيىن قازاقستانمەن ۆيزاسىز رەجىمگە يە ەلدەردىڭ ءتىزىمىن كەڭەيتپەكپىز» ، - دەدى ر. جوشىبايەۆ.
ەستەرىڭىزگە سالا كەتەيىك، قازاقستاندا ءبىرجاقتى تارتىپپەن 10 مەملەكەت ازاماتتارى ءۇشىن ۆيزاسىز رەجىم بيىلعى 15 - شىلدەدەن باستاپ كۇشىنە ەنەدى. بۇل تىزىمدە ا ق ش، نيدەرلاندى، ۇلى بريتانيا، فرانسيا، گەرمانيا، يتاليا، مالايزيا، بىرىككەن اراب امىرلىكتەرى، كورەيا رەسپۋبليكاسى جانە جاپونيا بار.
اۆتور: مارلان جيەمباي