مارادونا: برازيليا الاڭدا «ولسە دە، تىرىلسە دە» بەرىلمەۋى ءتيىس

 استانا. قازاقپارات - برازيليا ءوز كومانداسىنىڭ قاتارى السىرەگەنىنە قاراماستان، جارتىلاي فينالدا «مۇرىننان قان كەتكەنشە» ويناۋى مىندەتتى.
None
None

ارگەنتينانىڭ اڭىز فۋتبولشىسى ديەگو مارادونا بۇگىن برازيليا مەن گەرمانيا قۇرامالارىنىڭ فۋتبولدان الەم چەمپيوناتىنىڭ جارتىلاي فينالدىق كەزدەسۋى قارساڭىندا وسىنداي پىكىر ءبىلدىردى.

 ونىڭ ايتۋىنشا، فۋتبولشىلار الاڭدا «جان بەرۋگە» دايار ەكەندىكتەرىن دالەلدەۋلەرى شارت.

«1990 - جىلى فينالدىڭ الدىندا ءبىز ديسكۆاليفيكاتسيا مەن جاراقاتتار سالدارىنان نەگىزگى قۇرامنىڭ 4 ويىنشىسىنان ايىرىلعان بولاتىنبىز» ، - دەپ كەلتىرەدى goal.com مارادونانىڭ سوزدەرىن. - دەگەنمەن، گ ف ر قۇراماسىمەن سوڭىنا دەيىن جۇلىستىق، ءوزىمىز ءۇشىن دە، شىقپاي قالعان فۋتبولشىلار ءۇشىن دە. برازيليا فۋتبولشىلارى دا الاڭدا «ولسە دە، تىرىلسە دە» ناعىز شايقاستا بەرىلمەۋلەرى شارت» .

ايتا كەتەيىك، بۇل كەزدەسۋگە برازيليالىقتاردىڭ كوشباسشىسى تياگۋ سيلۆا (ديسكۆاليفيكاتسيا- جارىستان شىعارۋ) مەن كوماندانىڭ ۇزدىك شابۋىلشىسى نەيمار (جاراقات) الاڭعا شىعا المايدى.

سوڭعى جاڭالىقتار