قازاق- قىتاي شەكاراسىنداعى ءۇشارال شەكاراشى اۆياتورلارىنىڭ وقۋ- جاتتىعۋى ءوتتى

استانا. قازاقپارات - ءۇشارال اۆياتسيالىق ەسكادريلياسىنىڭ بازاسىندا ءبىر جاقتى ۇشۋ- تاكتيكالىق جاتتىعۋى بولىپ ءوتتى،

 دەپ حابارلايدى ق ر  ۇ ق ك  ش ق باسپا ءسوز قىزمەتى.

وقۋ- جاتتىعۋ اياسىندا اۆياتورلار ءۇشارال - اقتوعاي - ءۇشارال باعىتىندا 300 شاقىرىمدىق اۆتوموبيلدى مارسقا شىعىپ، ونىڭ بارىسىندا بايلانىس جۇيەسىندەگى كەدەرگىلەردى جويۋ، لاگەرگە شارتتى شابۋىلدى ورىنداۋ، تەحنيكالىق جانە تىلدىق قامتاماسىز ەتۋدى ۇيىمداستىرۋ سەكىلدى تاپسىرمالاردى اتقاردى.

« قىزىلاعاش» اۆياتسيالىق پوليگونىندا 4 بىردەي تىكۇشاقتىڭ كومەگىمەن اۆياتسيالىق زەڭبىرەكتەردى، اۆياتسيالىق بومبالاردى، باسقارىلاتىن اۆياتسيالىق راكەتالار مەن پۋلەمەتتەردى قولدانۋ ارقىلى ناقتى تاپسىرمالار ورىندالدى.

سونداي- اق « قىزىلاعاش» پوليگونىندا ق ر ق م 21751 «جەتىسۋ بارىسى» اسكەري بولىمىمەن ءوزارا بىرلەسكەن ءىس- قيمىل تاپسىرمالارى ورىندالدى.

ءۇشارال ەسكادريلياسى قازاق- قىتاي شەكاراسىنداعى بىرنەشە وتريادتاردى اۆياتسيالىق جاعىنان قامتاماسىز ەتەدى.

ەسكادريليا قىزمەت اتقارىپ كەلە جاتقان ۋاقىتتان بەرى ونىڭ ەكيپاجدارى 50000 ساعاتتىق ۇشۋ جۇمىسىن ورىندادى. ۇشقىشتار اۋعانستانداعى اسكەري ءىس- شارالار كەزىندە باتىلدىق پەن باتىرلىق ۇلگىسىن كورسەتە ءبىلدى.

ۇشقىشتار قۇرامى بارلىق شەكارالىق ءىس- شارالارعا، لاڭكەستىككە قارسى وقۋ- جاتتىعۋلارعا بەلسەندىلىكپەن قاتىسىپ كەلەدى.

شەكاراشى ۇشقىشتار مەملەكەتتىك شەكارانى قورعاۋدان باسقا قيىن جاعدايعا تاپ بولعانداردى قۇتقارۋ ءىس- شارالارىنا دا قاتىسۋدا.