پوليتسيا تۋرالى قىزىقتى دەرەكتەر

ال 2007 - جىلدىڭ 5 - ماۋسىمىندا مەملەكەت باسشىسى نۇرسۇلتان نازاربايەۆ ءوز جارلىعىمەن 23 - ماۋسىمدى پوليتسيا كۇنى دەپ بەكىتتى.
- پوليتسيا ءسوزى كونە گرەك ءتىلىنىڭ «پوليس»، «قالا» دەگەن سوزىنەن شىققان. ريمدىكتەردە «پوليتيا» ءسوزى قوعام زاتى دەگەن تۇسىندىرمە بەرەدى. بەرتىن كەلە «پوليتيا» ءسوزى «پوليتسيا» بولىپ وزگەرگەن.
- پوليتسيا قىزمەتى فينليانديا ەلىندە اسا تانىمال. سەبەبى ول جاقتىڭ 90 پايىز تۇرعىنى ساقشى قىزمەتكەرىنە تولىعىمەن سەنەدى.
- الەمدە قىلمىسپەن كۇرەسۋدىڭ ەڭ قاتال ءادىسىن برازيليا مەملەكەتى قولدانادى. سەبەبى ولار ەسىرتكى تاسىمالداۋ، ادام ۇرلاۋ سەكىلدى اۋىر قىلمىستارمەن ءجيى سوقتىعىسىپ، قىلمىسكەردى ۇستاۋ كەزىندە زاڭ قۇقىقتارىن ساقتامايدى.
- ءۇندىستان، نەپال ەلدەرىنىڭ كۇزەت پوليتسيالارى ءبىر-بىرىمەن كوشەدە قولدارىن ۇستاسىپ جۇرەدى. ولار وسىلايشا ءبىر-بىرلەرىنە دەگەن دوستىق لەبىزى مەن تاتۋلاستىق قارىم-قاتىناسىن جاقسارتادى ەكەن.
- ورتاشا ەسەپپەن امەريكا ساقشىلارى جۇمىس كەزىندە قارۋلارىن 27 جىلدا ءبىر رەت قانا پايدالانادى. سوندىقتان دا گولليۆۋد فيلمدەرىنىڭ ساقشى قىزمەتكەرلەرى تۋرالى كينولارى شىندىققا مۇلدەم جاناسپايدى. الايدا، جولدا كەتىپ بارا جاتقان كولىكتى توقتاتىپ، قىلمىسكەردىڭ سوڭىنا ءتۇسۋ قالىپتى ءىس-ارەكەت. بۇل جاعداي ا ق ش-تىڭ كونستيتۋتسياسىندا زاڭ جۇزىندە بەكىتىلگەن.
- تاريحتا ءبىرىنشى ايەل پوليتسەيى 1891 - جىلى چيكاگو پوليتسيا دەپارتامەنتىندە اكىمشىلىك قىزمەت اتقاردى. ال ناقتى ساقشى قىزمەتىن ەليس ۋەللس اتتى امەريكاندىق قىز جاسادى. ءبىر قىزىعى ەليس ايەلدەر كيەتىن رەسمي پوليتسيا فورماسىن ءوزى تىكتىرتكەن.
- پوليتسيادا سان جاعىنان ەڭ كوپ تىركەلگەن نازىك جاندار وار ەلىندە. ولاردىڭ ۇلەسى - 29 پايىز.
- دۋبايدا دۇنيەجۇزىندەگى ەڭ جىلدام پوليتسيا اۆتوكولىكتەرى بار. ەلدىڭ ۇكىمەت باسشىلىعى كوشەلەردە ءتارتىپ ورناتۋعا جوعارى جىلدامدىقتاعى كولىكتەردى ساتىپ الۋ قاجەتتىگىن ەسكەرىپ، بىرنەشە جىلدىڭ جۇزىندە دۋباي اۆتوتۇراعىن تولىقتىرۋعا كىرىسكەن. كولىكتەردىڭ قاتارىندا: McLaren MP4-12C، لامبوردجيني، استون مارتين، بەنتلي، فەرراري، شيەۆرولە ت. ب. بار.
- امەريكا ەلىنىڭ ۇكىمەت باسشىلارى ساقشى شەنىن ۋاقىت وتە كەلە ەمەس، جۇمىستىڭ جەمىستىلىگىنە قاراپ وسىرەدى. ەڭ تومەنگى شەن دەتەكتيۆ نەمەسە وفيتسەر بولىپ سانالادى. بۇل مەملەكەتتىڭ 90 پايىز پوليتسيا قىزمەتكەرى زەينەتكە شىقپاي سول باستاپقى لاۋازىمىمەن قالىپ قالادى. ال ەگەر قىزمەت بابىمەن باسقا باسقارماعا اۋىساتىن بولسا، شەندىك مارتەبەسى قايتادان ءبىرىنشى ساتىعا تۇسەدى.