مەركەل: تىڭشىلىق داۋ-دامايى ا ق ش-قا دەگەن سەنىمگە نۇقسان كەلتىرۋى مۇمكىن

ونىڭ سوزىنە قاراعاندا، ەگەر دە بۇل اقپارات راستالعان جاعدايدا، وندا ول ەكى ەل اراسىنداعى ءوزارا سەنىمگە نۇقسان كەلتىرىلۋى مۇمكىن.
بۇل - وتكەن اپتادا نەمىس قۇپيا قىزمەتتەرىنىڭ قىزمەتكەرى تۇتقىندالعاننان كەيىنگى مەركەلدىڭ العاشقى مالىمدەمەسى.
تەرگەۋ نۇسقاسىنا قاراعاندا، اتالعان قىزمەتكەر مەن ا ق ش ارنايى قىزمەتتەرىنىڭ اراسىندا بايلانىس ەكى جىل بويى جالعاسقان كورىنەدى. وسى ۋاقىت ىشىندە ول امەريكالىق تاراپقا 200 دەن استام قۇجاتتى بەرىپ ۇلگەرگەن.
وسى ورايدا گەرمانيا ىشكى ىستەر ءمينيسترى توماس دە مەزەر ۆاشينگتون تاراپىنان تۇسىنىكتەمە تالاپ ەتتى، دەپ جازادى BBC.
اتاپ ايتقاندا بۇدان بۇرىن ا ق ش-تىڭ ۇلتتىق قاۋىپسىزدىك اگەنتتىگى انگەلا مەركەلدىڭ تەلەفونىنا تىڭشىلىق جاسادى دەگەن اقپارات تارالعاننان كەيىن ەكى ەل اراسىنداعى قارىم- قاتىناس ايتارلىقتاي سۋىپ كەتتى.
اۆتور: رۋسلان عابباسوۆ