ازامات ءتاجاياقوۆ پەن دياس قادىربايەۆقا قارسى ايىپتاۋلار تىم قاتال

استانا. قازاقپارات - امەريكاندىق ساراپشىلار ا ق ش  پروكۋراتۋراسى اعايىندى سارنايەۆتاردىڭ دوستارى - قازاقستان ازاماتتارى ازامات ءتاجاياقوۆ پەن دياس قادىربايەۆقا قارسى ايىپتاۋلار تىم قاتال دەپ سانايدى. ساراپشىلاردىڭ  پىكىرىنشە، ولاردىڭ بوستونداعى لاڭكەستىككە تىكەلەي قاتىسى جوق.
None
None

بۇل تۋرالى رەسەيلىك «جاڭالىقتار» اگەنتتىگى بريتاندىق Guardian گازەتىنە سىلتەمە جاساپ حابارلادى. 2013 - جىلعى 20 - ساۋىردە تۇتقىندالعان ازامات ءتاجاياقوۆ پەن دياس قادىربايەۆ ا ق ش- قا 2011 - جىلى ستۋدەنتتىك ۆيزامەن كەلگەن. ولارعا اعايىندى سارنايەۆقا قارسى كۋالىك بەرەتىن ايعاقتاردى جويۋعا تىرىستى، ءسويتىپ، تەرگەۋ شارالارىنا كەدەرگى كەلتىردى دەگەن ايىپ تاعىلۋدا. تەرگەۋ ايىپتاۋلارىندا بۇل جاس ادامداردىڭ لاڭكەستىك اكتىسىنە قاتىسى كورسەتىلمەگەنىنە قاراماستان، ەگەر ايىپتاۋ ۇكىمى شىعارىلسا، وندا ولار 25 جىلعا دەيىن تۇرمەدە وتىرۋى مۇمكىن.

 «فاكتىلەر قانداي ەكەنىنە قاراماستان، ا ق ش پروكۋراتۋراسى بۇل ىسكە تىم قاتاڭ قاراپ وتىر دەپ، پايىمدايمىن» ، - باسىلىم ساففولكا ۋنيۆەرسيتەتى زاڭ فاكۋلتەتىنىڭ وقىتۋشىسى كريستوفور ديربورننىڭ سوزدەرىن كەلتىرگەن.

«بۇل قىلمىسقا، اسىرەسە لاڭكەستىككە قاتىستى اياۋسىزدىقپەن قارايتىنىن كورسەتۋ ءۇشىن جاسالىپ وتىر، ءبىراق تا ونىڭ باعاسى قانداي؟ بۇل ادىلەتتىلىككە جاتا ما؟ » ، - دەپ قوستى ديربورن. ا ق ش پروكۋراتۋراسىنىڭ بوستونداعى قايعىلى وقيعاعا جاناما قاتىسى بار ادامداردى ايىپتاۋعا تىرىسۋىن ساراپشى «قوعامعا اسەر تۋعىزۋ» ماقساتىندا جاساۋ رەتىندە قاراستىرادى.

«بۇل ايىپتاۋ اڭگىمە لاڭكەستىك اكتىنى تەرگەۋ جونىندە بولىپ وتىرعاندا سىزدەرگە تەرگەۋگە وتىرىك ايتپاۋ قاجەتتىگىنە ەسكەرتۋ» ، - دەپ مالىمدەدى ميدلسەكس وكرۋگىنىڭ بۇرىنعى پروكۋرورى گەرري لەونە.

 «ادامداردىڭ كوپشىلىگى تەرگەۋ ۇستىندە ايىپتى بولۋدان ساقتانىپ، ازداپ دەرەكتەردى وزگەرتۋى مۇمكىن، مۇندا تۇرعان قىلمىستىق سەبەپ جوق، ويتكەنى بۇل مالىمەتتەردىڭ ءىس ماتەريالدارىنا تىكەلەي قاتىسى جوق» ، - دەپ تۇسىندىرمە بەردى ماسساچۋسەتستىڭ قىلمىستىق ىستەر بويىنشا ادۆوكاتتار قاۋىمداستىعىنىڭ بۇرىنعى ءتوراعاسى رەندي چاپمان.  

بوستوندا نە بولىپ ەدى

2013 - جىلعى 15- ساۋىردە بوستونداعى حالىقارالىق مارافون كەزىندە ەكى جارىلىس بولدى. ءۇش ادام قازاعا ۇشىرادى، 200 دەن استامى جارالاندى. لاڭكەستىكتى ۇيىمداستىرۋعا اعايىندى تامەرلان جانە دجوحار سارنايەۆتار ايىپتالۋدا. دجوحار 20 - ساۋىردە ۇستالدى. تامەرلان 19 - ساۋىردە پوليسيامەن اتىس كەزىندە العان جاراقاتتارىنان قايتىس بولدى.

دجوحار سارنايەۆ ماسساچۋسەتس وكرۋگىنىڭ فەدەرالدىق سوتىندا وزىنە تاعىلعان ايىپتاۋلاردىڭ بىردە- ءبىر تارماعىن مويىنداعان جوق.

 فەدەرالدىق بارلاۋ بيۋروسىنىڭ مالىمەتتەرى بويىنشا، ءتاجاياقوۆ پەن قادىربايەۆ وزدەرىنىڭ جولداستارى دجوحار سارنايەۆتىڭ بولمەسىندەگى ايعاقتاردى جويۋعا تىرىسقان. ولاردىڭ قوقىسقا تاستاعان ايعاقتارىن كەيىننەن ا ق ش ارناۋلى قىزمەتىنىڭ وكىلدەرى تاۋىپ العان.   قازاقستاننىڭ قوس ازاماتى سارنايەۆپەن ماساچۋسەتس ۋنيۆەرسيتەتىنەن تانىس بولعان. بۇدان بۇرىن فەدەرالدىق بارلاۋ بيۋروسى ولاردىڭ جارىلىس قۇرىلعىسىن جاساۋعا پايدالانىلعان زاتتاردى بولمەدەن قالاي شىعارعانى تۋرالى ايعاقتارىن جاريالادى. ولار قىلمىسقا كومەكتەسۋ جونىندەگى ايىپتاۋلاردى مويىنداعان جوق.

اۆتور:   رۋسلان عابباسوۆ

سوڭعى جاڭالىقتار