رەسەيدە شىعارىلعان اسكەري تىكۇشاق اپاتقا ۇشىرادى

 استانا. قازاقپارات - ۆەتنام استاناسىنىڭ ماڭىندا رەسەيلىك ءوندىرىس شىعارعان م ي-171 اسكەري تىكۇشاعى اپاتقا ۇشىرادى. تىكۇشاق جاتتىعۋلارعا قاتىسىپ جاتقان پاراشيۋتشىلەردى تاسىمالداپ جۇرگەن بولاتىن.
None
None

 ر ب ك- ءنىڭ Thanh Nien اگەنتتىگىنە سىلتەمە جاساپ حابارلاۋىنشا، تىكۇشاق تۇگەل جانىپ كەتكەن. رەسمي مالىمەتتەرگە قاراعاندا، 16 ادام قازا بولدى، 5 ادام جارالاندى. بورتىندا ۆەتنام ارمياسىنىڭ 916- پولكىنىڭ بارلىعى 21 اسكەري قىزمەتشىسى بولعان. اپات سالدارىنان جەردە ەشكىم دە زارداپ شەكپەگەن.

 م ي-171 اسكەري- تاسىمال تىكۇشاعى م ي-8 تىكۇشاعىنىڭ ەكسپورتقا ىڭعايلانعان مودەلدەرىنىڭ ءبىرى. ونىڭ مىندەتى - دەسانتتاردى، بارلاۋ وپەراتسيالارىن، تورۋىلداۋدى تاسىمالداۋ جانە جەدەل ءتۇسىرۋ. سونداي- اق Ми-171- دى قۇتقارۋ وپەراتسيالارىن جۇرگىزۋ ءۇشىن ساتىپ الادى. بۇل تەحنيكا الەمنىڭ كوپتەگەن ەلدەرىنە، سونىڭ ىشىندە قىتايعا، برازيلياعا، سۋدانعا، چەحياعا، حورۆاتياعا جەتكىزىلگەن.

ۋلان- ۋدەدەگى اۆياتسيا زاۋىتى شىعارعان ءتورت م ي-171 تىكۇشاعى 2005 - جىلى ۆەتنامعا ساتىلدى. سول كەزدە ۆەتنام قورعانىس مينيسترلىگى ونىڭ ساپاسىنا ريزاشىلىعىن بىلدىرگەن جانە جاڭا جەتكىزىلىمدەر جونىندە ۋاعدالاسقان بولاتىن.

سوڭعى جاڭالىقتار