قازاقستاننىڭ ەسترادا جۇلدىزدارى ەل پرەزيدەنتىن تۋعان كۇنىمەن قۇتتىقتادى

استانا. قازاقپارات - قازاقستاننىڭ ەسترادا جۇلدىزدارى Instagram الەۋمەتتىك جەلىسى ارقىلى ق ر پرەزيدەنتى ن. نازاربايەۆتى تۋعان كۇنىمەن قۇتتىقتادى.
None
None

اكتريسا، ءانشى اسەل ءسادۋاقسوۆا ءوز پاراقشاسىندا:

«بۇكىل ەل ءبىزدىڭ قۇرمەتتى پرەزيدەنتىمىزدى قۇتتىقتايدى. ۇزاق عۇمىر تىلەيمىز. تىنىشتىق پەن بەيبىتشىلىك ءۇشىن العىس ايتامىز» ، - دەپ جازسا، تانىمال ءانشى، پروديۋسەر قىدىرالى بولمانوۆ: «استانا كۇنىمەن قۇتتىقتايمىن. جاراتۋشى يەمىز ءبىزدىڭ ەلباسىمىزعا كۇش- قۋات، دەنساۋلىق پەن ۇزاق عۇمىر بەرسىن» ، دەپ جازعان.

«ەلباسىمىزدى تۋعان كۇنىمەن قۇتىقتايمىن! ءار ۇيدە باقىت، ەلىمىزدە بەيبىتشىلىك پەن تۇراقتىلىق بولسىن» ، - دەيدى بۇل تىلەكتەرگە قوسىلعان ءانشى دينارا قىرىقبايەۆا.

«جىگىتتەر» كۆارتەتىنىڭ مۇشەسى باعلان ءابدىرايىموۆ: «قۇرمەتتى نۇرسۇلتان ءابىش ۇلى نازاربايەۆ! ءسىزدى بۇگىنگى مەرەكەمەن قۇتتىقتايمىن. ەلىمىز وركەندەي بەرسىن. ەلىمىزدىڭ اسپانى ءارقاشان اشىق بولسىن» ، - دەي وتىرىپ، وزدەرىنىڭ جەكە پاراقشاسىندا ەلباسىنىڭ پاسپورتتىق سۋرەتىن جاريالاعان.

 بەلگىلى تەلەجۇرگىزۋشى دينارا ءساتجان: «تۋعان كۇنىڭمەن، سۇيىكتى قالام! تۋعان كۇنىڭىزبەن، پرەزيدەنت مىرزا!» ، - دەسە، ءانشى، «مۋزارت» توبىنىڭ مۇشەسى ساكەن مايعازيەۆ: «استانامىز بەن ەلباسىمىزدىڭ تۋعان كۇنى قۇتتى بولسىن، قازاق ەلى! اللا تاعالا ەلىمىزگە نۇر- مەيىرىمىن توگە بەرگەي!» دەپ جازعان ەكەن.









سوڭعى جاڭالىقتار