ا ق ش-تا حريستياندار مۇسىلماندارمەن بىرگە نامازعا تۇردى

استانا. قازاقپارات - امەريكانىڭ فلوريدا شتاتىنا قاراستى كەندالل ايماعىنداعى مەشىت ەسىگى كەشكى اۋىزاشار داستارحانىنا نيەت ءبىلدىرۋشى بارلىق حالىققا ايقارا اشىلدى.
None
None

ستەفاني رەستەپو ەسىمدى حريستان ءدىنىنىڭ وكىلى اياق كيىمىن شەشىپ، ۇستىنە شاريعات شارتىنا ساي كيىنىپ، « ءان-نۇر» مەشىتىندە مۇسىلماندارمەن قاتار ساپ تۇزەپ، نامازعا قاتىستى. ول وسىلايشا مۇسىلمان قاۋىمىنىڭ كەشكى قۇلشىلىعىنا قاتىسىپ، ونەگەلى ءومىردىڭ شىنايى ۇلگىسىن كورگەندەي سەزىندى، دەپ جازادى «نۇر استانا» مەشىتىنىڭ رەسمي پورتالى.

 مەشىت قوناقتارى ناماز سۇرەلەرى مەن ەرەجەلەرىن بىلمەسە دە، جيىلعان مۇسىلماندارمەن قاتار بىرگە اللاعا مويىنسۇنىپ، رۋكۋعقا ءيىلىپ، ساجدەگە باس ۇردى.

«مەن مۇسىلمانداردىڭ جان-دۇنيەسىنە ىشكى جاعىنان ءۇڭىلىپ، جاقىنىراق ءبىلىپ، سەزىنگىم كەلدى» دەيدى ءوز اسەرىمەن بولىسكەن ستەفاني نامازدان كەيىن.

ستەفانيمەن بىرگە ونداعان مۇسىلمان ەمەس وزگە دە ادامدار شام نامازى مەن اۋىزاشارعا كەلدى. ولاردىڭ كەيبىرى جاماعاتپەن نامازعا تۇرسا، ەندى ءبىرى اۋىزاشار داستارحانىنا وتىردى. الايدا، كەلگەن قوناقتاردىڭ بارلىعى دا ريزاشىلىقتارىن بىلدىرگەن.

ايتا كەتۋ كەرەك، وڭتۇستىك فلوريدانىڭ مۇسىلمان ۇيىمى كواليتسياسى وسىنداي شارالاردى جىل سايىن ءار رامازاندا ۇيىمداستىرىپ كەلەدى.

سوڭعى جاڭالىقتار