ەلباسى تۋرالى زامانداستارى نە دەيدى؟

استانا. قازاقپارات - عافۋ قايىربەكوۆتىڭ ەلباسىعا جىر ارناعانىن بىلەتىن بولارسىزدار. «سىنعا تۇسكەن ەكىۇداي تۇستا مىنا، قارامايدى ول باقىتقا، باس قامىنا. لايىق ول، بايقاساڭ، قازاق تۇگىل، الەمدى دە ادەمى باسقارۋعا!» ، دەپ جازعان.
None
None

«ءبىزدىڭ الىپ- قوسارىمىز جوق. اقىن ءبىر شۋماقپەن اجارلى تەڭەۋ عانا ەمەس، كورەگەندىك ايتتى. «الەمدى دە ادەمى باسقارۋعا» دەگەندە اقىن ەلباسىنىڭ الار اسۋلارى مەن شىعار شىڭدارىن سەزىنىپ، سەنىپ جازعان ەكەن» ، - دەيدى قازاقستان ۇلتتىق ارناسىندا ءتىلشى «اپتا. ك ز» باعدارلاماسىندا.

نۇرسۇلتان نازاربايەۆ. سۇڭعىلا ساياساتكەر. قاجىرلى قايراتكەر. ەلىن سۇيگەن ەر. ۇلتىنىڭ ءداستۇرىن دارىپتەپ، ونەرىن سۇيگەن ۇل. ال قاسيەتى بولەك ەلباسى تۋرالى زامانداستارى نە دەيدى؟

ماقسۇت نارىكبايەۆ، قوعام جانە مەملەكەت قايراتكەرى:

- قازىرگى قىتايدىڭ باسشىسى قانداي ءسوز ايتتى؟  «ءبىز پرەزيدەنت نازاربايەۆتىڭ ساياسي كورەگەندىگىنە تاڭعالامىز» ، دەيدى. كوردىڭىز بە؟ 92- جىلى وسى ازيا قۇرلىعىنا بايلانىستى وسىنداي ءبىر قوعامدىق قۇرىلىمدى جاساۋ ماسەلەسىن ب ۇ ۇ- نىڭ مىنبەرىنەن پرەزيدەنت نازاربايەۆ ۇسىنعان ەدى. ال قازىر 20 شاقتى ەل مۇشە بولىپ وتىر، دەپ قىتايدىڭ ءبىرىنشى باسشىسى ايتىپ كەتتى. وسىنىڭ ءوزى مەنىڭشە بارلىعى ەلباسىمىزدىڭ جوعارى دەڭگەيدە ەكەنىنىڭ بىردەن- ءبىر دالەلى دەپ ەسەپتەيمىن.

ەلگە ەڭبەكاقى تاۋىپ بەرە الماي وتىرعان كەزدە، زەينەتاقىسىن ۋاقىتىندا تولەي الماي جاتقان كەزدە بالەنشە ميللياردتى قاجەت ەتەتىن كوشىپ- قونۋدى قايتەمىز دەگەن ءسوز بولدى. ال ءبىراق ەلباسىنىڭ كورەگەندىگى سول، وسى استانانى ەكونوميكالىق تۇرعىدا كوتەرۋ ارقىلى، بۇكىل قازاقستاندى دامىتاتىن مەحانيزمنىڭ بار ەكەندىگىن ءبىلىپ وتىرعان. ءبىر جىل ەمەس، ەكى جىل ەمەس، ءۇش جىلدان كەيىن بۇكىل مەملەكەتىمىزدىڭ قۇرىلىسى باستالدى دا كەتتى.

ءيا، استانا - قازاقتىڭ ايبىنى. ابىرويى. اتاق- داڭقى. ار- ۇجدانى. استانا الەمدىك ساياساتتىڭ القاسى. جاھاندىق ۇردىستەردىڭ ارقاسى. استانا - ون شاقتى جىل ومالىپ قالعان وبسە- ءنىڭ بويىنا قان جۇگىرتىپ، يسلام ىنتىماقتاستىق ۇيىمىنا جان بىتىرگەن شاھار. استانا - وزىق ويدىڭ باستاۋى. استانا - سارابدال ساياساتتىڭ كوزى، ناعىز كوشباسشى قالانىڭ ءوزى.

ءۋاليحان قاليجان، قوعام قايراتكەرى:

- قازىر استانا تەك قانا ورتالىق ازيا مەملەكەتتەرى ءۇشىن عانا قاجەت ەمەس، قازىر بۇكىل شىعىس ازيا، ەۋروپا قازاقستانعا نازار اۋدارىپ وتىر جانە نازاربايەۆپەن ساناسادى، نازاربايەۆپەن اقىلداسادى.

تەڭگەنىڭ ەندى شىعا باستاعان كەزى. ءوزى قازاق، رۋحى ورىس جۋرناليست سۇراق قويدى. «نۇرسۇلتان ءابىش ۇلى، قازاقتا تەڭگە دەگەن ءسوز جوق قوي. نەعىپ ونى تەڭگە دەپ جاتىرسىز. ودان دا سول رۋبل ايماعىندا قالا بەرمەيمىز بە» دەپ. سوندا نازاربايەۆ جۇلىپ العانداي: «ءاي، اينالايىن، سەنىڭ قازاقتىڭ ەپوستارىنان حابارىڭ بار ما؟ ! سەن «ايمان- شولپاندى» وقىدىڭ با؟ ەگەر سول «ايمان- شولپاندى» وقىساڭ مىنانداي جولدار بار ەمەس پە؟ ! «بازاردا تەڭگە بولساڭ، پۇل بولارسىڭ، كوتەكەڭنىڭ ايتقانى راس بولسا، قولىما سۋ قۇياتىن كۇڭ بولاسىڭ» ، دەيدى. سول ءبىر اۋىز سوزبەن سول جەردە پرەزيدەنت بۇكىل ماسەلەنى شەشىپ جىبەردى.

***

«نۇرسۇلتان نازاربايەۆ - جاستايىنان زەرەك، ورتاسىنان وزىق تۇراتىن تۇلعا. ەڭبەككە دە ەرتە ارالاسىپ، ەلدەگى ۇلكەندەرگە قولقابىس قىلۋدان ەشقاشان ايانباعان. ەڭ باستىسى، اعايىنعا ورمان، دوستىققا قورعان، «مەنى» كەم، الدى كەڭ ازامات» ، - دەيدى زامانداس دوسى ءسادۋاقاس اعا.

ءسادۋاقاس ەسىمباي، پرەزيدەنتتىڭ سىنىپتاس دوسى:

- دوسقا دەگەن نيەتى وتە جوعارى بولاتىن. مەن اكەم سوعىستان كەلمەي، جەتىم بولىپ وسكەننەن كەيىن مەن ءۇي سالدىم. سول ۇيگە ول ۋكراينادان كەلىپ، بالشىعىن كوتەرىپ، اكەسى مەن شەشەسى جاردەمدەسىپ، ماعان ءۇي سالىپ بەرگەن. سول ءۇي قازىرگە دەيىن بار. نۇرسۇلتاننىڭ سالعان ءۇيى دەيدى.

نۇرسۇلتان نازاربايەۆ جاستىعىندا دوسىنا ءۇي سالىپ بەرسە، ەسەيە كەلە ەڭبەكقورلىعى مەن قاجىر- قايراتىنىڭ ارقاسىندا قازاققا تاۋەلسىز شاڭىراق كوتەرىپ بەردى.

اينالاسىنداعى الپاۋىتتارمەن ارازداسپاي- اق، تاۋەلسىز ەلدىڭ شەكاراسىن شەگەندەدى. جانامىن دەگەن جاسقا وت بەرىپ، شەتەلدە وقىتتى. تۋعان ەلىنىڭ تۇرمىسىن تۇزەپ، ەڭسەسىن تىكتەپ، كەرەگەسىن كەڭ، تەرەزەسىن وزگەلەرمەن تەڭ ەتتى. بۇل نازاربايەۆ توككەن تەردىڭ ءبىز تىلگە تيەك ەتكەن ءبىر تامشىسى عانا.

سوڭعى جاڭالىقتار