05:43, 07 - شىلدە 2014 | GMT +5
اكۋلا بىرنەشە ادامعا شابۋىل جاسادى
استانا. قازاقپارات - مانحەتتەن-بيچ قالاسىنداعى (كاليفورنيا شتاتى) جاعاجايدا اق اكۋلا شومىلىپ جاتقان ءبىر توپ ادامعا شابۋىل جاسادى، ولاردىڭ ءبىرى زارداپ شەكتى.

لوس- اندجەلەس پوليتسياسى دەپارتامەنتىنىڭ حابارلاۋىنشا، وقيعا جەرگىلىكتى ۋاقىتپەن 09:30 دا ورىن العان. زارداپ شەككەن جاننىڭ جاعدايى ورتاشا. اكۋلانىڭ شابۋىلى كەزىندە ول جاعادان 20 مەتر قاشىقتىقتا بولعان.
كورگەندەردىڭ سوزىنە قاراعاندا، جىرتقىشتىڭ ۇزىندىعى ءۇش مەتردەن اسادى. كەلەڭسىز جاعدايدان سوڭ جەرگىلىكتى بيلىك وسى ماڭعا تاياۋ جەردەگى جاعاجايلاردىڭ بىرنەشەۋىن ۋاقىتشا جابۋعا شەشىم قابىلدادى.