ەلىمىزدەگى زاڭگەرلەر مەن ەكونوميستەر جۇمىسسىز قالۋى مۇمكىن

حالىقارالىق قۇقىق زاڭگەرلەرى، ەكونوميستەر مەن اۋدارماشىلار 2019 - جىلى ەڭبەك نارىعىندا ەڭ از سۇرانىسقا يە بولاتىن ماماندىقتار تىزىمىنە ەندى، دەپ حابارلايدى BNews.kz ءتىلشىسى.
ەڭبەك نارىعى بويىنشا بولجام جاستار ساياساتى ماسەلەلەرى جونىندەگى باسقارمانىڭ « Elite رەكرۋتينگتىك كومپانياسى» ج ش س-مەن بىرلەسىپ جۇرگىزگەن كەڭ اۋقىمدى زەرتتەۋىنىڭ نەگىزىندە جاسالدى.
زەرتتەۋگە سايكەس، 2019 - جىلى حالىقارالىق قۇقىق زاڭگەرلەرى، كەڭ بەيىندى ەكونوميستەر مەن اۋدارماشىلاردىڭ جۇمىسقا ورنالاسۋى قيىنداۋى مۇمكىن. جوعارىدا ايتىلعان ماماندىقتاردان بولەك، ەلىمىزدىڭ ەڭبەك نارىعىندا ەڭ از سۇرانىسقا call-ورتالىق وپەراتورلارى مەن پەرسونالدى وقىتۋ جونىندەگى ماماندار يە بولادى.
زەرتتەۋ ۇيىمداستىرۋشىلارى IT، عالىمدار مەن جۇمىسشى ماماندىقتار سالاسىندا ماماندار دايارلاۋدىڭ ماڭىزدىلىعىن اتاپ ءوتتى. ويتكەنى ءدال وسى ماماندىق يەلەرى الداعى بەس جىلدا ۇلكەن سۇرانىسقا يە بولماق.