ايەلىنىڭ كوزىنە ءشوپ سالۋ ەرلەردىڭ ولىمىنە اكەپ سوعادى
عالىمدار ون جىل ىشىندە 3,5 مىڭ ەركەكتى تەكسەرۋدەن وتكىزىپ، قىدىرعاندى جاقسى كورەتىن ەركەكتەردىڭ ومىرىنە كوبىرەك ءقاۋىپ تونەتىندىگىنە كوز جەتكىزگەن. ەركەكتىڭ ناقسۇيەرى كوبەيگەن سايىن ونىڭ كوپ ايەلدىڭ ءبىرىنىڭ قۇشاعىنادا ءولۋ ءقاۋپى كۇشەيە تۇسەدى، دەيدى tengrinews.kz روسسيا-2 ارناسىنا سىلتەمە جاساي وتىرىپ.
«ءبىز نەگە بۇلاي بولاتىنىن انىقتاۋعا تىرىستىق. ماسەلە ەركەكتىڭ ايەلىنىڭ كوزىنە ءشوپ سالۋىندا ەمەس، ماسەلە ەركەك كىمدى باسقامەن ايىرباستاۋىندا»، دەيدى كلينيكالىق پسيحولوگيا دەپارتامەنتىنىڭ جانە فلورەنسيا ۋنيۆەرسيتەتىنىڭ سەكسۋالدى مەديتسينا قىزمەتكەرى الەسساندرا فيشەر.
يتاليالىق ەرلەردى تەكسەرگەن دارىگەرلەردىڭ ايتۋىنشا، ەگەر ەرى مەن ايەلى ءبىرىن ءبىرى سۇيمەگەن جاعدايدا ەرى ايەلىنىڭ كوزىنە ءشوپ سالسا، وندا ەشقانداي فيزيولوگيالىق تا، پسيحولوگيالىق تا زارداپ شەكپەيدى. ال ەگەر كۇيەۋىنىڭ ايەلىنە دەگەن سەزىمى سۋىپ، ماحابباتى ءوشىپ قالعان بولسا، ال ايەلى ەرىن ءالى دە سۇيەتىن بولسا، مۇنداي جاعدايدا ايەلدەن گورى ەركەك كوپ قاسىرەت شەگەدى ەكەن.
«ەركەكتىڭ جۇرەك قان تامىرلارى اۋرۋىنا شالدىعۋ ءقاۋپى كۇشەيەدى. ويتكەنى ەكى جاقتى بولعان ادام كۇيزەلىسكە ءجيى شالدىعادى. ەركەك ءوزىنىڭ ايەلىن جاقسى كورمەسە دە وتباسىلىق قۇندىلىقتاردان وڭاي باس تارتا المايدى»، دەيدى پسيحولوگتار.
