قانداسىمىز ريزابەك نۇسىپبەك ۇلى ءسوزىن جازعان استانام ءانى «ءان جۇرەگىم، استانا!» بايقاۋىنىڭ باس جۇلدەسىن يەلەندى

استانا. قازاقپارات - «قازاقپارات» ح ا ا سايتى اراب-قىتاي نۇسقاسىنىڭ شەف-رەداكتورى ريزابەك نۇسىپبەك  ۇلىنىڭ سوزىنە جازىلعان مەيىرجان الياكباروۆتىڭ «استانام» ءانى " ءان جۇرەگىم، استانا!" كونكۋرسىندا باس جۇلدەنى ەنشىلەدى.

استانا كۇنى قارساڭىندا «ءان جۇرەگىم، استانا!» رەسپۋبليكالىق ءان بايقاۋىنىڭ قاتىسۋشىلارى تىڭداۋشىلار نازارىنا ەلوردا تۋرالى 25 اۆتورلىق ءان ۇسىندى. كەشە گالا-كونسەرتتە بايقاۋدا توپ جارعان ورىنداۋشىلاردىڭ ەسىمدەرى اتالدى.
 

 استانالىق «تەنگري» توبى ۇزدىك اتاندى. ەكىنشى ورىندا ەلوردالىق «ۇماي» توبى جانە ءۇشىنشى ورىندا قوستانايلىق اسەل ىرگەباي. ورال قالاسىنىڭ ءانشىسى نۇرسۇلتان قاراباليەۆ باس جۇلدەگە يە بولدى.

 ايتا كەتسەك، باس جۇلدەنى ەنشىلەگەن استانام ءانىنىڭ ءسوزىن "قازاقپارات" حالىقارالىق اقپاراتتىق اگەنتتىگىنىڭ شەف-رەداكتورى ريزابەك نۇسىپبەك ۇلى جازعان بولاتىن. ءانى مەيىرجان الياكباروۆتىكى.

 سونىمەن قاتار، «ءان جۇرەگىم استانا!» رەسپۋبليكالىق ءان بايقاۋىندا ونەر كورسەتكەنى ءۇشىن «ءۇمىت» اتالىمى بويىنشا اكىمحان مەن ميلانا دۋەتى (استانا ق. ) ، انگە وزىندىك ءۇن قوسقانى ءۇشىن ازامات ساتحانوۆ (پاۆلودار ق. ) ، زاماناۋي ونەر كورسەتكەنى ءۇشىن اقمارجان باينازاروۆا (استانا ق. )، «ۇزدىك ءماتىن» اتالىمىندا ايدانا كاتكەشوۆا (سەمەي ق.) ديپلوممەن ماراپاتتالدى.

«ءان جۇرەگىم، استانا» بايقاۋىنىڭ گالا-كونتسەرتىندە «ارناۋ»، «كەشيۋ» توپتارى، ءالي وقاپوۆ، لۋينا، مارجان اراپبايەۆا، تامارا اسار، مارات وماروۆ، زارينا وماروۆا، سەرىك يبراگيموۆ، ەرلان كوكەيەۆ پەن «ك7» توبى ونەر كورسەتتى.

 ايتا كەتەيىك، بەس جىل بويى اتالمىش بايقاۋ جاس ورىنداۋشىلاردىڭ، كومپوزيتورلاردىڭ جانە اۆتورلاردىڭ جۇلدىزىن جاعىپ كەلەدى. وسى ۋاقىت ىشىندە استانا تۋرالى 100 دەن استام ءان جازىلدى. ەلوردامىز جاستاردىڭ شىعارماشىلىعىنا شابىت بەرەدى دەپ سەنىممەن ايتا الامىز.