مىنەزى قيىن ادامدار باستىق بولادى

استانا. قازاقپارات  - ەگەر ءسىز ءوز باستىعىڭىزدى مەيىرىمسىز، ءوزىمشىل، اتاققۇمار دەپ ويلاساڭىز، ءسىز قاتەلەسپەيسىز، ويتكەنى نورۆەگيالىق مەنەدجمەنت مەكتەبىنىڭ عالىمدارى وسىلاي دەپ سانايدى.
None
None

جاڭا زەرتتەۋلەر ناتيجەسى بويىنشا، جەتەكشىلىك قىزمەتتەگى ادامدار ىزاقور، نامىسقور بولىپ كەلەدى.

سوندىقتان دا باستىقتاردىڭ كوبى ءوزىن سەنىمدى ۇستايدى جانە تەك ءوزىنىڭ جەتىستىگى عانا كوپشىلىكتىڭ نازارىنا ىلايىقتى دەپ سانايدى، دەلىنگەن Agence France-Presse باسىلىمىندا.

مۇنداي ادامدار وزىنە ءوزى وتە سەنىمدى، اڭگىمەلەسۋ كەزىندە جۇمىسشىعا ۇلكەن اسەر قالدىرا بىلەدى. الايدا كوزى تويماستىق، توعىشارلىق، جۇمىسشىلاردىڭ پروبلەماسىنا نەمكەتتى قاراۋى ولاردىڭ ناشار كوشباسشى ەكەنىن كورسەتەدى. ءوزىمشىل باستىقتار ءوزىنىڭ قول استىنداعىلاردىڭ ءوزىن سىيلاۋىن تالاپ ەتەدى. الايدى مۇنداي باستىقتاردى كوپ ادامدار سىيلاي بەرمەيدى.

كريستيان گيمس اتتى عالىم جوعارىدا كەلتىرىلگەن دەرەكتەردى نورۆەگيا قارۋلى كۇشتەرىنە 3200 ادامداردى جۇمىسقا الۋ كەزىندە تاجىريبەدەن العان. نارتسيستىك مىنەزدى ادامداردى انىقتاۋ ءۇشىن تەست سۇراقتارى ازىرلەنگەن. وسى سىناقتان نارتسيستىك مىنەزدى ادامدار ءساتتى وتكەن.

«مۇنداي ادامدار وزگە ادامدارمەن جاقسى قارىم قاتىناس جاساي المايدى. تەك وزدەرىن عانا ويلايدى. ولار بيلىك ءۇشىن بارلىق ارەكەتتەرگە بارۋى مۇمكىن» دەيدى عالىمدار.

Tengrinews.kz

سوڭعى جاڭالىقتار