ەلوردا تۇرعىنى مەككە شاھارىنا جاياۋ قاجىلىق ساپارىنا اتتاندى - فوتو

استانا. قازاقپارات - بىزگە ءمالىم، تاريحىمىزدا قاسيەتتى مەككە شاھارىنا جاياۋ قاجىلىق ساپارىنا شىققان بابالارىمىز بولعان. تەكتى اتانىڭ ۇرپاعى بۇگىنگى جاھاندانۋ زامانىندا، عىلىم مەن تەحنيكانىڭ قارىشتاپ دامىعان داۋىرىندە دە بابا ىزىنەن جاڭىلماپتى.
None
None

 ەلوردا تۇرعىنى دۋلات يمانقاجى بابا ءداستۇرىن جاڭعىرتىپ، بۇگىن «نۇر استانا» ورتالىق مەشىتى الاڭىنان جەتى مىڭ شاقىرىم قاشىقتىقتاعى قاسيەتتى مەككەگە اتتاندى، دەپ حابارلادى muslim.kz سايتى.

ەردىڭ جاسى ەلۋگە تاياعان دۋلات ماماندىعى قارجىگەر بولعانىمەن سپورت سالاسىنان دا قارا جاياۋ ەمەس. سوڭعى ءتورت جىلدان بەرى ەلوردامىزدىڭ №56 - مەكتەپ- ليتسەيىندە شاڭعى ۇيىرمەسىنىڭ باپكەرى ءارى №10 - قالالىق ەمحانانىڭ قىزمەتكەرى. جاياۋلاتىپ تالاي اسۋدان اساتىن دۋلات بۇعان دەيىن الماتى قالاسىنان باقاناسقا دەيىن مارافون جاساعان. بۇل جەڭىسىن كورنەكتى قوعام قايراتكەرى، مەملەكەت جانە قوعام قايراتكەرى دىنمۇحامەت قونايەۆتىڭ توقسان بەس جىلدىعىنا ارناپتى.

بۇگىنگى بەل بايلاپ وتىرعان الىس ساپارعا شىعۋىنا تۇرتكى بولعان جايدى دۋلات يمانقاجى بىلاي ءتۇسىندىردى. «تۋعان جەرىم سەمەي وڭىرىندە بولعان ءبىر باسقوسۋدا ءدىن ىستەرى اگەنتتىگىنىڭ ءتوراعاسى مارات ازىلحانوۆپەن كەزدەسىپ، ەكەۋارا اڭگىمەمىز جاراسىپ، مەن ول كىسىگە ەلىمىزدەگى مارافوندى ىلگەرىلەتۋ توڭىرەگىندەگى ويىمدى جەتكىزدىم. ويتكەنى، سالاۋاتتى ءومىر سالتىن قالىپتاستىرۋدى ءدىن دە قولدايدى عوي. وسىلايشا استانادان مەككەگە دەيىن جۇگىرىپ بارىپ- كەلۋگە تاۋەكەل ەتە الاتىنىمدى ايتتىم. ول قىزىعۋشىلىق تانىتىپ، قۇزىرلى ورىندار تاراپىنان قولداۋ كورسەتۋگە ۋادە ەتتى. سونىمەن قاتار، استانا مەشىتتەرىنىڭ يمامدارى قاجىلىق مىندەتىمدى دە اتقارا كەلۋىمدى ۇسىندى. بۇل مەن ءۇشىن ۇلكەن دەمەۋ، ۇلكەن قۋانىش بولدى» دەيدى مارافونشى.

دۋلاتتىڭ ىزگى ساپارىنا قولداۋ كورسەتىپ جاتقان ەل ازاماتتارى دا جەتەرلىك. «نۇر وتان» پارتياسى، سىرتقى ىستەر مينيسترلىگى، «نۇر استانا» ورتالىق مەشىتى، «مەگاسپورت» سپورتتىق برەندتەر دۇكەنى باسشىلىعى، پارلامەنت ءماجىلىسىنىڭ دەپۋتاتتارى، اۋعانستان سوعىسىنىڭ ارداگەرى باقىتبەك سماعۇل، تالعات ەرعاليەۆ جانە ءوزى ۋاقىتشا جۇمىس ىستەپ جۇرگەن №10 قالالىق ەمحانانىڭ ۇجىمى دەمەۋشىلىك تانىتىپ، قولداۋ كورسەتۋدە.

بۇگىنگى مارافونشىنى سالتاناتتى تۇردە شىعارىپ سالۋ راسىمىنە «نۇر استانا» مەشىتىنە مەملەكەت جانە قوعام قايراتكەرلەرى، مەشىت يمامدارى مەن قالا تۇرعىندارى جيىلىپ، وندا قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، اۋعانستان سوعىنىسىنىڭ ارداگەرى باقىتبەك سماعۇل ءسوز سويلەپ، دۋلات يمانقاجىعا ءسات ساپار تىلەدى. «بايىرعى بابا ءداستۇرىن قايتا جالعاپ، تەكتىلىكتىڭ بەلگىسىن كورسەتىپ وتىرعان دۋلاتقا اللا جار بولسىن، ساپارىن وڭ قىلسىن دەپ تىلەيمىز. بۇگىندە تەحنيكانىڭ سان مىڭ ءتۇرى دامىعان زاماندا، جاياۋ جۇگىرىپ مەككە شاھارىنا قاجىلىق ەتۋ ەردىڭ ءىسى. ەل ەرىنىڭ ەسەندىگىن تىلەيدى. ساپارىڭ وڭ بولسىن» دەدى حالىق قالاۋى جۇرەكجاردى تىلەگىندە.

دۋلات يمانقاجى بۇگىنگى ەلوردا تويىندا باستالعان ءۇش ايعاعا سوزىلاتىن ساپارىندا مەككەگە دەيىن جەتى مىڭ شاقىرىمدى باسىپ وتسە، كەرى قايتاردا دا وسىنشا قاشىقتىقتى باعىندىرادى ەكەن.

 «الدا ازەربايجان، يران، كۋۆەيت، ساۋد ارابياسى ەلدەرىنىڭ توپىراقتارىن باسىپ وتەدى ەكەنمىن. ساپارىمنىڭ باسىم بولىگى ىستىق كليماتتى ەلدەرگە ءتۇسىپ وتىرعانى وڭاي بولماسى انىق. الايدا، تاۋەكەل، اللا قۋات بەرسىن!» دەيدى د. يمانقاجى. مارافون سپورتىنىڭ تاريحىنا ۇڭىلسەك، الەمنىڭ ەڭ مىقتى جۇگىرۋشىلەردىڭ ءوزى ون كۇننەن ارتىق جولدا بولماپتى. ال، بولاشاق قاجىمىزدىڭ مارافونى ءۇش ايعا سوزىلماق.

مارافونشىنىڭ بۇل ساپارىندا قاجىلىعىن اتقارا كەلۋىن ۇسىنعان مەشىت يمامدارى دا جاراتقاننان دۇعا ەتىپ، ساتتىلىك تىلەدى. «اللا تاعالا مىنا قاسيەتتى رامازان ايىندا بارشا ىزگى امالدارىمىزدى، سونىڭ ىشىندە دۋلات باۋىرىمىزدىڭ نيەتى مەن ساپارىن قابىل ەتسىن. راببىمىز ەلىمىزگە تىنىشتىق، جەرىمىزگە بەرەكە بەرىپ، بارشا قاجىلاردىڭ ساپارلارى وڭدى بولۋىن ءناسىپ ەتسىن» دەپ باتا بەردى «نۇر استانا» مەشىتىنىڭ نايب يمامى ابدۋساماد ماحات.

ال، مارافونشىمىزدىڭ ەسىمى جۇرتشىلىققا 2010 - جىلعى اق ازيادا ويىندارىنان تانىس. حالىقارالىق دودانىڭ قۇرمەتىنە ول الماتى مەن استانانىڭ اراسىن ءبىر اپتادا جۇگىرىپ وتكەن. سول كەزدەگى ساپار ءبىراز قيىنشىلىققا تۇسكەنىمەن، نامىستى قولدان بەرمەۋگە بەل بايلاعان دۋلات يمانقاجى مارەنى لايىقتى كەسىپ وتكەن.

4

2

5

6

7

1

3

سوڭعى جاڭالىقتار