ەستە ساقتاۋ قابىلەتىمىز نەگە ناشار؟

ونى ءبىز كۇندەلىكتى ومىردە كورىپ تە ءجۇرمىز. قانشا تىرىسساق تا ولەڭ جاتتاي المايمىز.
مىندەتتى تۇردە قاعازعا ءيا ۇيالى تەلەفونعا قاراپ وقيمىز. ماقالادان ءيا بولماسا كىتاپتان ناقتى ءۇزىندى كەلتىرە المايمىز. كەلتىرگەننىڭ وزىندە دە ويىمىزدى جەتكىزە المايمىز. جەتكىزسەكتە جارىم-جارتىلاي عانا جەتكىزەمىز. ءتىپتى ەرتەڭگى بولاتىن ساباقتىڭ كەستەسىن قاراساق تا، سولاردى تۇگەندەر كەزدە مىندەتتى تۇردە ەكى-ءۇش كىسىدەن تەلەفون سوعىپ سۇراپ الامىز. ولارعا سەنبەي عالامتوردان جانە قارايمىز.
پايدالى سوزدەردى جاتتاي المايمىز. بابامىزدىڭ ماقالدارىن ورىندى جەرىندە پايدالانا بىلمەيمىز. ماقالداپ سويلەگەن قازىرگى جاستارعا ۇيلەسپەيتىن سياقتى. ولار ماقالدايمىن دەپ باسقا جاققا لاعىپ كەتەدى.
قاراپايىم مىسال. تانىس ادامىمىز تەلەفونىن ايتسا، ونى ەستە ساقتاي المايمىز. مىندەتتى تۇردە قايتالاپ ايتۋىن سۇرايمىز. ودان قالسا ۇيالىمىزعا قوڭىراۋ تاستاشى، جازىپ الايىن دەگەندى ايتامىز. قىسقاسى، مەنىڭ ايتايىن دەگەنىم نەگە ەستە ساقتاۋ قابىلەتىنەن بىرتىندەپ ايىرىلىپ بارا جاتىرمىز...
مەنىڭشە، بۇل ميىمىزدىڭ ىشىندەگى جادقا، كەرەك ەمەس بوس مالىمەتتەردى جيناعاندىقتان سياقتى... قايداعى جوق نارسەلەردى تەز جاتتاپ الامىز. كەرەك ەمەس ءتىپتى پايداعا اسپايتىن نارسەلەردى جاتقا سوعامىز... نەلىكتەن؟ سەبەپ بىرەۋ: «ءبارى وزىمىزدەن».
كىنانى بىرەۋگە ءيا قوعامعا جابۋدىڭ قاجەتى جوق. ءار نارسەنى وزىمىزدەن باستاساق، ءبارى ورنىنا كەلەر ەدى...
blogtime.kz