استانا الەمدىك مادەني ورتالىقتاردىڭ بىرىنە اينالۋى ءتيىس - رەسەيلىك ءارتىس

بۇل تۋرالى قازاقپارات اگەنتتىگىنىڭ تىلشىسىنە بەرگەن سۇحباتىندا «استانا- وپەرا» مەملەكەتتىك وپەرا جانە بالەت تەاترىنىڭ ءسوليسى ارتۋر كايپكۋلوۆ ءمالىم ەتتى.
ول بۇگىندە ەلورداعا باشقۇرتستان رەسپۋبليكاسىنان كەلىپ، جۇمىس ىستەپ جاتىر.
«كونكۋرس بارىسىندا قازاقستان ەلورداسىنداعى كەرەمەت تەاترعا وتكەنىمە وتە قۋانىشتىمىن. ءبىزدىڭ حالىقتار باۋىرلاس بولعاندىقتان مەن قازاقستان جايىندا بالالىق شاعىمدا ءجيى ەستيتىنمىن.
اتاپ ايتقاندا، ءبىزدىڭ مادەنيەت، ءداستۇرىمىز جانە ۇلتتىق تاعامدارىمىز وتە ۇقساس. استانا وزگە قالالارعا ۇقسامايدى جانە شاھار وزىندىك ەرەكشەلىگىمەن ماعان قاتتى ۇنايدى»، - دەيدى باشقۇرتستاننىڭ ەڭبەگى سىڭگەن ءارتىسى ا. كايپكۋلوۆ.
ول «استانا وپەرادا» جۇمىس ىستەگەن ءبىر جىلدا كاسىبي تۇرعىدا وتە ۇلكەن تاجىريبە جيناقتاعانىن اتاپ ءوتتى.
«مەن وسىندا الەمدىك جۇلدىزدارمەن جۇمىس ىستەۋ مۇمكىندىگىنە قول جەتكىزدىم. وسى ورايدا تەاتر باسشىلىعىنا العىسىمدى بىلدىرگىم كەلەدى. سونىمەن قاتار استانانىڭ بۇدان ءارى دە گۇلدەنە بەرۋىن جانە قازاقستان ەلورداسى الەمدىك مادەني ورتالىقتاردىڭ بىرىنە اينالۋىن تىلەيمىن»، - دەدى ول.
اۆتور: رۋسلان عابباسوۆ