رەالدىڭ اتاقتى شابۋىلشىسى ەس-ءتۇسسىز جاتىر

استانا. قازاقپارات - يسپانيانىڭ تانىمال فۋتبولشىسى، مادريدتىڭ «رەال» كومانداسىنىڭ قۇرمەتتى پرەزيدەنتى الفرەدو دي ستەفانونىڭ جۇرەگى توقتاپ، كوماعا ءتۇستى.

بۇل تۋرالى Marca يسپاندىق باسىلىمى حابارلادى.

دي ستەفانونىڭ جۇرەك تالماسى سەنبى كۇنى مادريدتىڭ «سانتياگو بەرنابەۋ» ارەناسىنا جاقىن ماڭدا ۇستاپ قالعان. ونىڭ جۇرەگى 18 سەكۋندقا سوعۋىن توقتاتتى. جۇمادا عانا 88 جاسقا تولعانىن اتاپ وتكەن بۇرىنعى شابۋىلشى بىردەن اۋرۋحاناعا جاتقىزىلدى.

قازىر دي ستەفانو ينتەنسيۆتى تەراپيا بولىمىندە كومادا جاتىر. دارىگەرلەر ونىڭ جاعدايىن اۋىر دەپ وتىر.

دي ستەفانو «رەال» كومانداسىندا 1950-1960 - جىلدارداعى ويىنىمەن تانىلدى. ول 282 ماتچقا قاتىسىپ، 216 دوپ سوققان. بۋەنوس- ايرەستە تۋعان فۋتبولشى ءۇش ەلدىڭ ۇلتتىق قۇراماسىندا - ارگەنتينا، كولۋمبيا جانە يسپانيادا وينادى.

ف ي ف ا ونى 20 - عاسىردىڭ ءۇشىنشى فۋتبولشىسى دەپ تانىدى. دي ستەفانو 2000  - جىلدان بەرى «رەالدىڭ» قۇرمەتتى پرەزيدەنتى، ال 2008 - جىلدان بەرى ۋ ە ف ا-نىڭ قۇرمەتتى باسشىسى بولدى.