كەلەر جىلدان باستاپ قازاقستاندىقتار جاڭا ۇشاقپەن ساپار شەگەتىن بولادى - فوتو
بۇل تۋرالى بۇگىن استانادا Bombardier Aerospace كومپانياسى اتالعان ۇشاقتى تانىستىرۋ كەزىندە Air Kazakhstan كومپانياسىنىڭ پرەزيدەنتى نۇرجان شاكىروۆ.
«ءبىز Bombardier Aerospace كومپانياسىنان Q400 NextGen ماركالى 10 ۇشاق ساتىپ الدىق. ءارقايسىسى 23 ميلليون دوللاردان. ءبىز ولاردى ليزينگ ارقىلى تولەدىك. ۇشاقتاردى ەلىمىزگە اكەلۋ كەزەڭ كەزەڭىمەن ىسكە اسىرىلادى. الدىمەن 2015 - جىلدىڭ ناۋرىز- ءساۋىر ايلارىندا 5-6 ۇشاق كەلەدى. سول كەزدەن باستاپ ولار ەلىمىزدىڭ اسپانىندا ۇشا باستايدى» ، - دەدى ول.
ال Bombardier Commercia Aircraft كومپانياسىنىڭ ۆيتسە- پرەزيدەنتى روي دجونستىڭ ايتۋىنشا، اتالعان ۇشاقتار ۇشاقتاردىڭ بولاشاق بۋىنى دەپ اتالۋعا ابدەن لايىق جانە ورتا ازيا ەلدەرىندە ۇشۋعا وتە ىڭعايلى.
«بۇل ۇشاعىمىز 50 گرادۋس ىستىق پەن 54 گرادۋس ايازدى كۇندەرى دە ۇشۋعا قابىلەتتى. جۇك تاسىمالداۋعا بولادى. ءتىپتى، ورىندىقتار تۇراتىن جەردى ۇنەمدەپ نەمەسە كەڭەيتۋ ارقىلى 72 مەن 86 ادامدىق جولاۋشىلار سىيىمدىلىعىن قامتاماسىز ەتە الادى. ۇنەمدى، شاپشااڭ ءارى مانيەۆر جاساۋعا ىڭعايلىلىعىن ايتپاعاننىڭ وزىندە، بۇل ۇشاق جۇكتەمەسى تاۋلىك بويى تىنىمسىز اۋەجايلار ءۇشىن ءبىر مەزەتتە جولاۋشىلار وتىرعىزىپ، جۇك تيەۋمەن قاتار، جانارماي قۇيۋ قىزمەتتەرىن دە ءمىنسىز اتقارا الادى.
ال ۇشۋ- قونۋ قاشىقتىعىن وزگە ۇشاقتارمەن سالىستىرعاندا تىم قىسقا ءارى 10-17 مينۋت ىشىندە 6-7 مىڭ مەتر بيىكتىككە تەز كوتەرىلە الاتىن مۇمكىندىكتەرگە يە. ەڭ ماڭىزدىسى - «Q400 NextGen» ۇشاعىن ورتا ازيا مەملەكەتتەرىنىڭ ىڭعايىنا قاراي بەيىمدەلگەندىگىن باسا ايتقىم كەلەدى. ياعني، ۇشۋ- قونۋ الاڭدارىنىڭ ساناتىنا قاراماي، تەگىستەلگەن قاتتى توپىراقتىڭ بەتىنە قونۋ قابىلەتىنە يەلىك ەتۋى ونىڭ وزگە باسەكەلەستەرىنەن ءبىر باس جوعارى ەكەندىگىنىڭ بەلگىسى بولىپ وتىر، - دەيدى روي دجونس.
