19:14, 05 - شىلدە 2014 | GMT +5
پەتروپاۆلدا «بال قىمىز» فەستيۆالى ءوتتى - فوتو
پەتروپاۆل. قازاقپارات - استانانىڭ تۋعان كۇنى قارساڭىندا پەتروپاۆلدا «بال قىمىز» فەستيۆالى ءوتتى.

بايقاۋعا سولتۇستىك قازاقستاننىڭ 13 اۋدانىنان قىمىزدىڭ بابىن بىلەتىن ماماندار قاتىستى.
ولار قازىلار القاسىنىڭ نازارىنا جانعا ءدارۋ، شيپالى سۋسىننىڭ 12 ءتۇرىن ۇسىنعان.
«ءبىز، تايىنشالىقتار بايقاۋعا قىمىزدىڭ جەتى ءتۇرىن، قازى، ءجۇزىم مەن بال قوسىلعان جانە «دونەن قىمىز» دايىنداپ اكەلدىك» ، - دەدى تايىنشا اۋدانىنىڭ وكىلى رۇستەم جۇماعۇلوۆ.
فەستيۆال ۇلتتىق ناقىشتا ءوتتى. ەت اسىلىپ، كيىز ۇيدەگى داستارحانعا باۋىرساق، ماي قويىلدى.
ءۋاليحانوۆ اۋدانىنىڭ تۇرعىندارى باس جۇلدەنى السا، شالاقىندىقتار ءبىرىنشى ورىننان كورىندى. اققايىڭدىقتار ەكىنشى ورىندى، جامبىل اۋدانىنىڭ وكىلدەرى ءۇشىنشى ورىندى يەلەندى. جەڭىمپازدارعا اقشالاي سىيلىق تابىس ەتىلدى.