گەرمانيادا ا ق ش تىڭشىسى اشكەرەلەندى

ول ا ق ش- تىڭ بارلاۋ قىزمەتىنىڭ ارەكەتىن تەرگەگەن پارلامەنتتىك كوميسياسىنىڭ جۇمىسى تۋرالى مالىمەت جيناپ، اقشاعا ساتىپ جۇرگەن ەكەن.
ەسكە سالا كەتسەك، ەدۆارد سنوۋدەن جاريالاعان قۇجاتتاردان ا ق ش بارلاۋ قىزمەتى گەرمانيانىڭ باسشىلارى، اتاپ ايتقاندا كانسلەر انگەلا مەركەلدى اڭدىپ، تەلەفونمەن جۇرگىزگەن اڭگىمەلەرىن تىڭداعانى بەلگىلى بولدى. بۇل وداقتاس ەكى ەل اراسىنداعى قاتىناستاردىڭ سۋۋىنا اكەلىپ، گەرمانيا پارلامەنتى ارنايى كوميسسيا تاعايىنداعان. نەمىس ساياساتشىلارى ا ق ش- تىڭ دوستىققا جاناسپايتىن بۇل قيمىلىنا نارازىلىعىن ءبىلدىردى.
توماس وپپەرمان، سوتسيال- دەموكراتيالىق پارتيانىڭ جەتەكشىسى:
- ەگەر بۇل تىڭشىلىق ارەكەتى دالەلدەنسە، بۇل ءبىزدىڭ پارلامەنت پەن بۇكىل دەموكراتيالىق ينستيتۋتتارىمىزعا جاسالعان شابۋىل. وسىنداي قيمىلعا ەشبىر اقتايتىن نەگىز جوق. گەرمانيانىڭ باس پروكۋرورى وسى وقيعانى تەز تەرگەپ، ءتيىستى شارالار قابىلدايتىنىنا ءۇمىتتىمىن.
«حابار» ارناسى