قارا تەڭىزدە رەسەي دە، ناتو دا جاتتىعۋ باستادى

ناتو- نىڭ جاتتىعۋى قارا تەڭىزدىڭ باتىس بولىگىندە وتەدى، وعان ا ق ش، بولگاريا، گرەتسيا، رۋمىنيا جانە تۇركيا كەمەلەرى قاتىسىپ جاتىر. جاتتىعۋ شىلدەنىڭ 13 ىنە دەيىن سوزىلادى.
رەسەيدىڭ قارا تەڭىزدەگى فلوتىندا 20 شاقتى كەمە مەن 20 شاقتى اسكەري ۇشاق بار. ۇشاقتار نىسانانى زىمىرانمەن كوزدەپ اتۋ جاتتىعۋلارىن جاساپ جاتىر.
بۇل جاتتىعۋلار ۋكراينا اسكەرىنىڭ ەلدىڭ شىعىسىنداعى سەپاراتيستەرگە (بۇلعاق) قارسى سوعىسىپ جاتقان مەزگىلىنە ءدوپ كەلدى. ۋكراينا قاۋىپسىزدىك كەڭەسىنىڭ حاتشىسى اندرەي پارۋبيي رەسەيدى «ۋكراينا- رەسەي شەكاراسى ماڭىنا اسكەر شوعىرلاندىرىپ، سەپاراتيستەر شابۋىلىنا دەم بەرىپ وتىر» دەپ ايىپتايدى. ال ۋكراينا پرەزيدەنتى پەتر پوروشەنكو ۇكىمەتتىڭ 5 - شىلدە كۇنى بەيبىت كەلىسسوزدەر وتكىزۋگە دايىن ەكەنىن مالىمدەدى. ءبىراق ونىڭ قايدا وتەتىنىن ايتپادى.
«ازاتتىق»