قايرات نۇرتاستىڭ باسى تاعى داۋعا قالدى
مۇنىڭ الدىندا قايرات نۇرتاس Instagram جەلىسىندە ءدال وسى الماتىداعى اشىلۋ سالتاناتى ءۇشىن ارنايى استانادان كەلگەنىن ايتىپ، سۋرەتىن قويعان بولاتىن.
قايرات نۇرتاستىڭ vk.com الەۋمەتتىك جەلىسىندەگى جانكۇيەرلەر پاراقشاسىندا قايرات نۇرتاستىڭ MCKZ مۋزىكالىق ارناسىنىڭ اشىلۋ سالتاناتىنا بارعانى، ءبىراق وندا كونسەرت ۇيىمداستىرۋشىلارىنىڭ جوق بولىپ شىققانى ايتىلعان. ءانشى جانكۇيەرلەرى MCKZ ارناسىنىڭ كونسەرت ۇيىمداستىرۋشىلارى تەلەفوندارىن ءسوندىرىپ، جينالعان جۇرتتى الداپ سوققانىن دا جازىپ وتىر.
ۆيدەودا قايرات نۇرتاستىڭ جينالعان جۇرتتى سابىرعا شاقىرىپ، ۇيىمداستىرۋشىلاردىڭ كەسىرىنەن الدانىپ قالعانىن جەتكىزىپ جاتقانى كورسەتىلگەن. ءانشى ەشقانداي دا تەلەارنا ۇيىمداستىرۋشىلارىنىڭ بولماعاندىعى سەبەپتى الدانىپ قالعان كورەرمەندەرگە ءوز قالتاسىنان بيلەت قۇنىن تولەپ بەرۋگە دايىن ەكەندىگىن دە جەتكىزدى.
ۇيىمداستىرۋشىلار افيشاعا قايرات نۇرتاستىڭ ۇلكەن سۋرەتىن قويعانىمەن، بۇل تەك ءبىر عانا ءانشىنىڭ كونسەرتى ەمەس ەدى. ءانشى ءوزىنىڭ سۋرەتىن افيشاعا ۇلكەن ەتىپ سالعان ۇيىمداستىرۋشىلاردى ايىپتاپ وتىر.
كەلەسى ۆيدەودا قايرات نۇرتاستىڭ ءدۇيىم جۇرت الدىندا، كونسەرت قويۋعا مۇلدەم مۇمكىندىك جاسالماعان جەردە اندەرىن قايتالاپ ايتۋعا ءماجبۇر. ال اناسى ءارى پروديۋسەرى گۇلزيرا ايداربەكوۆانىڭ كوزىنە جاس الىپ تۇرعانىن كورۋگە بولادى.
جينالعان قاۋىم ارنا باسشىلارىنىڭ اتىنا ۇجىمدىق ارىز جازىپ جاتىر ەكەن.
ال جۇرگىزۋشى اسحات سادىرباي ءوزىنىڭ instagram-داعى پاراقشاسىندا بۇل وقيعاعا قاتىستى بىلاي دەپ جازعان:
ەستەرىڭىزگە سالا كەتەيىك، بۇل قايرات نۇرتاس قاتىسقان العاشقى داۋ ەمەس. بىلتىر الماتىدا كورەرمەندەر ساين مەن رايىمبەك كوشەلەرىنىڭ قيىلىسىندا ورنالاسقان «پرايم پلازا» ساۋدا ورتالىعىنىڭ الدىندا تارتىپسىزدىك ورناتقان بولاتىن.
دايىنداعان: ارداق قۇلتاي
