سەمەيدە قىمىزمۇرىندىقپەن قاتار ۇلىقبەك ەسداۋلەتتىڭ شىعارماشىلىق كەشى ءوتتى - فوتو

بۇل تۋرالى سەمەي قالاسىنىڭ ىشكى ساياسات ءبولىمىنىڭ اقپاراتتىق سەكتورىنان حابارلادى.
سونداي- اق، ەلوردانىڭ مەرەيلى مەرەكەسىنە ارنالعان ءىس- شارا اياسىندا كورنەكتى اقىن، مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى ۇلىقبەك ەسداۋلەتتىڭ «جىلقى جىلىنداعى جۇزدەسۋ» شىعارماشىلىق كەشى ءوتتى.
اقىننىڭ شاشباۋىن كوتەرىپ، ءبىرقاتار ونەر يەلەرى، اقىندار كەلدى. ولاردىڭ قاتارىندا كۇيشى- كومپوزيتور، قازاقستاننىڭ ەڭبەك سىڭىرگەن قايراتكەرى سەكەن تۇرىسبەكوۆ، جازۋشى، قازاقستاننىڭ ەڭبەك سىڭىرگەن قايراتكەرى كادىربەك سەگىزبايەۆ، اقىن، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى تەمىرحان مەدەتبەك جانە تاعى باسقالار بولدى. شارا بارىسىندا حالىقتىق اقىندار ورتالىعىنىڭ شاكىرتتەرى ۇلىقبەك ەسداۋلەتتىڭ شىعارمالارىن وقىپ، استاناعا ارنالعان جىر شاشۋىن تارتۋ ەتتى. قالالىقتار مەن قالا قوناقتارىنا قىمىزدان ءدام تاتۋ ۇسىنىلدى. «قىمىزمۇرىندىق» تويى ارى قاراي قالالىق مادەنيەت سارايى ارتىستەرىنىڭ، ونەر ۇجىمدارىنىڭ كونتسەرتتىك باعدارلاماسىمەن جالعاستى.
سونىمەن قاتار، استانا كۇنىنە وراي كەشكە ورتالىق الاڭدا مەرەكەلىك كونسەرت ءوتتى. كونسەرتكە ارنايى قويىلعان جىلجىمالى ساحنادا «ەۋراز- شوۋ» ءان- بي تەاترى، قالالىق مادەنيەت سارايىنىڭ ارتىستەرى جانە ق ر مادەنيەت قايراتكەرى مافرۋزا وتەلەنوۆا ونەر كورسەتىپ، كورەرمەنگە مەرەكەلىك كوڭىل- كۇي سىيلادى.