ق . كەلىمبەتوۆ: ەۋرازيالىق ەكونوميكالىق وداقتىڭ ءبىرىڭعاي ۆاليۋتاسى ساياسي ماسەلە بولىپ وتىر
«بۇگىندە ءتيىستى مەملەكەتتىك ورگاندارمەن رەسمي كەلىسسوزدەر جۇرگىزىلىپ جاتقان جوق. كەز كەلگەن ينتەگراتسيادان كەيىن ءبىرقاتار ساۋالدار تۋىندايدى. مەنىڭ ويىمشا، قازىرگى ۋاقىتتا بۇل ماسەلە ەكونوميكالىق ەمەس، ساياسي بولىپ وتىر» ، - دەدى ول جۋرناليستىڭ «ە ا ە و- دا ءبىرىڭعاي ۆاليۋتا پايدا بولۋى مۇمكىن بە؟ » دەگەن سۇراعىنا جاۋاپ بەرۋ كەزىندە.
ۇلتتىق بانك باسشىسى ە ا ە و مۇشە ەلدەر اراسىنداعى كەلىسىمگە ساي ءبىرىڭعاي قارجى رەتتەگىشى 2025 - جىلعا قاراي قۇرىلاتىندىعىن، ونىڭ كەڭسەسى الماتىدا ورىن تەبەتىنىن اتاپ ءوتتى.
بۇعان دەيىن قازاقستاننىڭ ءبىرىنشى ۆيتسە- پرەمەرى باقىتجان ساعىنتايەۆ ە ا ە و ءبىرىڭعاي ۆاليۋتاسىن ەنگىزۋ ماسەلەسى قارالماعانىن ايتقان بولاتىن.
ەسكە سالا كەتەيىك، 29 - مامىردا استانادا ەۋرازيالىق ەكونوميكالىق وداق قۇرۋ تۋرالى شارتقا قول قويىلدى. ول 2015 - جىلدىڭ 1- قاڭتارىنان جۇزەگە اسا باستايدى.
