دارىگەرلەر جۇرەك دەرتىن ەمدەۋدە ايتۋلى جەتىستىكتەرگە قول جەتكىزدى
ماسەلەن، ەلىمىزدە 7-8 جىل بۇرىن ەلىمىزدە جۇرەك اۋرۋىنا شالدىققان جاندارعا جىلىنا 6-7 مىڭ وپەراسيا جاسالسا، قازىر جاڭا ءادىس- تاسىلدەردى قولدانۋدىڭ ارقاسىندا 15-20 مىڭ ادامعا وپەراسيا جاسالادى.
ياعني، قانشاما ادامنىڭ ءومىرىن اجالدان اراشالاپ قالۋعا مۇمكىندىك تۋدى.
جۇرەك اۋرۋلارىنان بولاتىن ادام ءولىمىن ازايتۋ ماقساتىندا دارىگەرلەر كورونارلىق تامىرلاردى ستەنتتەۋ وپەراتسياسىن ءساتتى جۇزەگە اسىرىپ كەلەدى. ەندى گەرمانيادان كەلگەن حيرۋرگتەر جوعارى مامانداندىرىلعان كارديولوگيالىق كومەك كورسەتۋدىڭ تىڭ ءادىسىن كورسەتتى. مۇنداي مەديتسينالىق قىزمەت «سالاماتتى قازاقستان» مەملەكەتتىك باعدارلاماسىنا سايكەس تەگىن كورسەتىلەدى.
دانيار ماحانوۆ، ينتەرۆەنتسيالىق كارديولوگيا ءبولىمىنىڭ مەڭگەرۋشىسى:
- گەرمانيادان ارنايى شاقىرىلعان كارديولوگيا سالاسىنىڭ مامانى، پروفەسسور ۆەرنەر حابەربوش كورونارلىق تامىرلاردى ستەنتتەۋ وپەراتسياسىن جاڭا ادىسپەن جاساۋعا بولاتىنىن كورسەتتى. بۇنىڭ ءداستۇرلى وپەراتسيادان وزگەشەلىگى ءارى قاراي جىڭىشكە تامىرلاردا قان ۇيىپ قالاتىن جاعدايدى بولدىرمايدى. ماماندارىمىز بۇل وپەراتسيانى مەڭگەرگەن سوڭ ناۋقاستار الىس شەتەلدەرگە شابىلماي- اق، ءوز ەلىمىزدە تەگىن ەمدەلە الادى.
قازاقستان رەسپۋبليكاسى پرەزيدەنتى ءىس باسقارماسىنىڭ مەديتسينالىق ورتالىعىندا استانا كۇنىن اتاپ ءوتۋ داستۇرگە اينالعان. وسىندا تۇراقتى ەمدەلۋشى ساياسات، مادەنيەت، ونەر قايراتكەرلەرى باس قوسىپ، كۇن ساناپ كوركەيىپ كەلە جاتقان استانانىڭ كەشەگىسى مەن بۇگىنى تۋرالى ويلارىن ورتاعا سالدى.
ەسكەندىر حاسانعاليەۆ، ق ر حالىق ءارتيسى:
- ونەر ادامدارى دا وزدەرىنىڭ ونەرلەرىمەن، شىعارماشىلىق تابىستارىمەن وسى استانا كۇنىن جاقسى قارسى الىپ جاتامىز. جاقىندا مادەنيەت مينيسترلىگىنىڭ جولداماسىمەن يندونەزيا مەملەكەتىندە دجاكارتادا ۇلكەن، قازاقستاننىڭ مادەنيەت كۇندەرى ءوتتى. ەلباسىمىزدىڭ ارقاسىندا جان- جاققا، بۇكىل جەر ءجۇزىن ارالاۋعا مۇمكىندىك جاسالدى.
ەلباسى زامانداستارى استانانىڭ ىرگەتاسى قالانعانان باستاپ بۇگىندە ساۋلەتتى قالالار قاتارىندا وركەندەپ كەلە جاتقانىنا وزدەرىنىڭ دە ۇلەسى بار ەكەنىن ماقتانىشپەن ايتادى. بۇل سونداي- اق ءار قازاقستاندىقتىڭ ەسىندە قالاتىن جارقىن ساتتەر ەكەنى داۋسىز.
