كۇردىستان تاۋەلسىز ەل قۇرۋعا تالپىنىپ جاتىر

استانا. قازاقپارات - يراكتىڭ كۇردىستان اۆتونوميالىق اۋدانىنىڭ پرەزيدەنتى ماسۋد بارزاني ايماق پارلامەنتىنە تاۋەلسىزدىك الۋ تۋرالى رەفەرەندۋم وتكىزۋگە دايىندىقتى باستاۋ جونىندە ءوتىنىش جولدادى.
None
None

پرەزيدەنت دەپۋتاتتاردان رەفەرەندۋمدى ۇيىمداستىرۋ كوميتەتى مەن داۋىس بەرۋ مەرزىمىن بەلگىلەۋدى سۇرادى.

 كۇردىستان بيلىگى تاۋەلسىزدىك ماسەلەسىن ا ق ش- تىڭ يراكتان ءبولىنىپ شىقپاۋ تۋرالى ۇسىنىسىنا قاراماستان قوزعاپ وتىر. ۆاشينگتون كۇردىستان اۆتونومياسىن يراكتا «يراك جانە شام يسلام مەملەكەتى» (ي ش ي م) ۇيىمى بۇلىك شىعارىپ جاتقان تۇستا بولىنبەۋگە شاقىرعان. ي ش ي م ەلدىڭ سولتۇستىگى مەن باتىس بولىگىن باسىپ العان ەدى. يراك اسكەرى ي ش ي م سودىرلارىمەن سوعىسىپ جاتىر.

يراكتا بەس ميلليونداي كۇرد تۇرادى. ولار وتكەن اپتالارداعى قاقتىعىستار كەزىندە تەرريتوريالارىن 40 پايىزعا ۇلعايتىپ العان.

ال، كۇردىستان اۆتونومياسىنىڭ باسشىسى يراكتان تاۋەلسىزدىك الۋ تۋرالى رەفەرەندۋم وتكىزۋگە شاقىرعاننان كەيىن ا ق ش رەسمي پوزيتسياسىن ءبىلدىردى. امەريكا يراكتىڭ تۇتاستىعىن قولدايدى. اق ءۇي وكىلى دجوش ەرنەست «يراك ءبىرتۇتاس بولعاندا عانا كۇشتى ەل بولا الادى» دەپ مالىمدەدى.

دجوش ەرنەستتىڭ ايتۋىنشا، 3 - شىلدە كۇنى اق ۇيدە ۆيتسە- پرەزيدەنت دجو بايدەن مەن كۇردىستان پرەزيدەنتى شتابىنىڭ باسشىسى فۋاد حۋسەين كەزدەسكەن. بايدەن كەزدەسۋدە يراكتى بىرىكتىرەتىن ۇكىمەت قۇرۋدىڭ ماڭىزدى ەكەنىن ايتقان.

 سوڭعى اپتالاردا يراكتا ۇكىمەت كۇشتەرى مەن وزدەرىن ءسۇننيت سانايتىن «يراك جانە شام يسلام مەملەكەتى» ۇيىمىنىڭ سودىرلارى اراسىندا ۇرىس ءجۇرىپ جاتىر. اۋەلدە سيريانىڭ سولتۇستىگى مەن شىعىسىنا باقىلاۋ ورناتقان ۇيىم ماۋسىم ايىندا يراكتىڭ سولتۇستىگى مەن باتىسىنداعى ەلدى مەكەندەردى دە باسىپ العان. بۇدان بىرەر كۇن بۇرىن ۇيىم باسىپ العان ايماقتارىندا «يسلام حاليفاتى» قۇرىلعانىن جاريالادى.

 «ازاتتىق»

Ирактың Күрдістан автономиялы ауданының президенті Масуд Барзани (ортада). Ирбил, Күрдістан, 3 шілде 2014 жыл.

سوڭعى جاڭالىقتار