17:54, 04 - شىلدە 2014 | GMT +5
ءتورت مەملەكەت ۋكراينادا ءبىتىم جاساۋعا كەلىستى
استانا. قازاقپارات - ۋكراينا، رەسەي، گەرمانيا جانە فرانسيانىڭ سىرتقى ىستەر مينيسترلەرى ۋكراينانىڭ شىعىسىنداعى قاقتىعىستاردى توقتاتۋعا شارا جاساۋعا ۋاعدالاستى.

2- شىلدە كۇنى بەرليندە وتكەن كەلىسسوزدەردەن كەيىن مينيسترلەر بىرلەسە جاساعان مالىمدەمەدە 5- شىلدەدەن كەشىكتىرمەي ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ە ق ى ۇ) باقىلاۋىمەن بەيبىت كەلىسسوزدەر باستاۋ قاجەتتىگى ايتىلعان.
رەسەي جاعى ءبىتىم جاريالانعاننان كەيىن ۋكراينالىق شەكاراشىلارعا شەكارانىڭ تۇيىسەتىن تۇستارىن باقىلاۋعا كومەكتەسۋگە كەلىسكەن.
گەرمانيا سىرتقى ىستەر ءمينيسترى فرانك- ۆالتەر شتاينمايەر بەرليندە وتكەن كەلىسسوزدەردى «كونسترۋكتيۆتى» دەپ اتاپ، وعان قاتىسۋشى تاراپتار «وزدەرىنە جۇكتەلگەن جاۋاپكەرشىلىكتى سەزىنەتىنىن» ايتتى.
30 - ماۋسىم كۇنى ۋكراينا پرەزيدەنتى پەتر پوروشەنكو ۋاقىتشا ءبىتىم رەجيمىن ۇزارتۋدان باس تارتىپ، ارميا رەسەيشىل سەپاراتيستەرگە شابۋىلدارىن قايتا جالعاستىرعان.
«ازاتتىق راديوسى»