استانالىق قىزداردى الداپ، وڭاي ولجا تابۋمەن اينالىسقان الاياق جىگىت ۇستالدى
استانا قالالىق ءى ءى د - نە 5 ازاماتشادان وسىنداي شاعىم تۇسكەن. ءبىرىنشى ارىزدانعان قىزدىڭ جىگىت 60 مىڭ تەڭگەسىن قولدى قىلسا، ەكىنشىسىن سۋشي- بارعا شاقىرىپ، سول جەردە تەلەفونىن سۇراپ، تەلەفونىن دا قايتارماي، تاماعىنىڭ دا اقشاسىن تولەمەي ءىزىم- عايىم جوق بولعان.
30 جاستاعى جىگىتتىڭ ارباۋىنا تۇسكەن تاعى ءبىر ايەل ونىمەن ورتالىق ساياباقتا تانىسىپتى. ءۇش كۇندەي جاڭا تانىسىنىڭ كوڭىلىن اۋلاعان ول ونى قوناق ۇيگە شاقىرعان ەكەن. ول جەردەن جىگىت قىزبەن قوش ايتىسپاستان ونىڭ اسىل بۇيىمدارىن، ۇيالى تەلەفونى مەن 194 مىڭ تەڭگەسىن الىپ «زىتىپ» كەتكەن. ءدال وسى ازاماتتىڭ كەسىرىنەن تاعى ءبىر نازىك جاندى 200 مىڭ تەڭگەلىك ۇيالى تەلەفونىنان ايىرىلدى.
تەرگەۋ بارىسىندا ۇستالعان ازامات ۇرلاعان زاتتارىن الىپساتارلارعا ساتىپ، سول اقشاعا پاتەر جالداپ تۇرعانىن مويىندادى.
پوليتسەيلەردىڭ بولجامى بويىنشا، بۇل جىگىتتەن 5 قىز ەمەس، بۇدان دا كوپ قىزدار جاپا شەكتى. تە ولار جاريالىلىقتان قورقىپ، ءتارتىپ ساقشىلارىنا شاعىمدانباي وتىرىۋى مۇمكىن.
قازىرگى ۋاقىتتا م. ازاماتى استانا قالالىق ءى ءى د تەرگەۋ يزولياتورىنا قاماۋعا الىندى.
اتالعان فاكتى بويىنشا ق ر ق ك 178- بابى 2-تارماعى (« توناۋ» ) مەن 177- باپتىڭ 1,2-تارماعىنا (« الاياقتىق» ) سايكەس قىلمىستىق ءىس قوزعالدى. تەرگەۋ امالدارى جۇرگىزىلۋدە.
ءدال وسىنداي جاعدايعا دۋشار بولعاندار بولسا، 71-60-24, 70-60-28, 71-60-10 حابارلاسۋلارىڭىزدى سۇرايمىز.
