17:25, 06 - شىلدە 2014 | GMT +5
جاس ءوسپىرىمنىڭ ولىمىنە قاتىستى نارازىلىق شاراسى وتۋدە
استانا. قازاقپارات - ال تالايدان بەرى تارتىسىپ، الاكوز بوپ جۇرگەن يزرايل مەن پالەستينا ءبىرىن-ءبىرى زىمىرانمەن اتقىلادى.

اتىس سالدارىنان زارداپ شەككەندەر مەن قيراندىلار تۋرالى ءالى اقپارات تۇسكەن جوق.
تاياۋ شىعىستاعى يوردان وزەنىنىڭ باتىس جاعالاۋىندا پالەستينالىقتاردىڭ نارازىلىق شاراسى 3 كۇننەن بەرى باسىلار ەمەس.
ولار پالەستينالىق جاس ءوسپىرىمدى ولتىرگەندەردى تاۋىپ، جازالاۋدى تالاپ ەتۋدە.
16 جاستاعى بوزبالانى قاسكۇنەمدەر تىرىدەي ورتەپ جىبەرگەن. ەرەۋىلشىلەر بۇل قىلمىستى اسىرە-ۇلتشىل يەۆرەيلەر جاسادى دەگەنگە سەنىمدى.
يزرايلدىك پرەمەر-ءمينيستردىڭ كەڭسەسىنىڭ جانىندا دا شەرۋلەر وتۋدە. ەۆرەيلەر تاياۋ شىعىستاعى جاعدايدىڭ ۋشىعۋىنا پالەستينالىقتار كىنالى دەپ ايىپتاپ جاتىر.
24.kz