قازاقستان قىتايلىقتار ءۇشىن تۇراقتىلىقتىڭ، حالىقتار دوستىعىنىڭ ۇلگىسى سانالادى

«قازاقستان وتە باي مەملەكەت. ونىڭ ەڭ باستى بايلىعى - تابيعي رەسۋرستار قورى ەمەس، مەملەكەتتە تۇرىپ جاتقان حالىقتاردىڭ بىرلىگى. بۇل كورشىلەس قىتاي ەلى ساراپشىلارىنىڭ پىكىرى.
ولار: «ميللياردتان استام حالىق مەكەن ەتەتىن قىتايدا تەك 56 ۇلت وكىلى تۇرادى.
ال 17 ميلليون عانا ازاماتى بار قازاق ەلىندە 130 دان استام ۇلت بار ەكەن. نەبارى جيىرما ءۇش جىل بولعان جاس مەملەكەت باسشىلىعى ءۇشىن ءتىلى، ءدىنى، مادەنيەتى بولەك سان الۋان ۇلتتاردىڭ بەرەكەسىن ساقتاپ قالۋ وڭاي شارۋ ەمەس. ول ءۇشىن ەل باسىندا ەرجۇرەك، باتىل، ءادىل، ءارى كورەگەن ساياساتكەر وتىرۋ كەرەك. قازاقستاندا ونداي تۇلعا بار. ول - نۇرسۇلتان نازاربايەۆ»، - دەيدى.
قىتايلىقتار ءۇشىن قازاقستان تۇراقتىلىقتىڭ، حالىقتار دوستىعىنىڭ ۇلگىسى بولىپ تابىلادى»، - دەدى يۋي چەنشەن.
ونىڭ ايتۋىنشا، قىتاي ەلى قازاقستانمەن ستراتەگيالىق ارىپتەس، تاتۋ كورشى، دوس مەملەكەت بولىپ وتىرعانىن ماقتان تۇتادى.
«قازاقستانعا مەنىڭ ءالى جولىم تۇسكەن جوق. ءبىراق، عالامتور بەتتەرىنەن كورشىلەس مەملەكەت تۋرالى كوپ وقيمىن. مەن ءۇشىن قازاقستان - دامۋ جاعىنان تالاي الىپتاردىڭ الدىن وراعان ازيا عاجاپتارىنىڭ ءبىرى. سول عاجاپتى ءوز كوزىممەن كورۋگە قۇلشىنىسىم زور. بۇل ەلگە تابانىم تيگەنشە اسىقپىن»، - دەپ تولىقتىردى ءوز ويىن ول.
اۆتور: ديانا قۇلماعانبەتوۆا